Socijala

Stereotipia: Čoriba čhaven

I percepcia vakerela kaj o Roma čorena čhaven thaj bebia a palo odova bajraren len sar pire jali istemalkerel len bašo perosnalno ginansiko benefiti.

O reliteto trujal i historia e Romengiri si ola odola so si viktimia ko thema kana nesavo čhavo si čordo.

Numa ko agorutne 20 berša kana si kerde analize ikjlola kaj i romani populacia si majkritično em teleperavdi kana i them i Khangiri jali desavi hunmanitarno organizacia džana em lena e čhaven taro Roma.

O romane čhave rutinski si hulavde taro pire familie taro duiiskriminatorsko faktoria taro odova sar jekh "na ličinen ko romane čhave" pa sa dži ko faktori kaj e romen isi len but čhave.
Sebepi o čorolipa em marginalizacia o romane čhave si telal baro riziko thaj akti ko biznisi bikiniba manušencar em čhavencar.

 

O mortaliteti ko romane nevebiande čhave si bašo 1.5 droma majbaro diferencijaja taro makedonikane themutne ko 2017 berš

O roma arakhena pe ki bilačhi sastipaskiri situacia taro aver nacionalitetoa. O nevebijande čhave Roma o mortaliteti mašjar olende si bašo 1.5 droma majbaro diferencijaja taro makedoniako nacionaliteto ko 2017 berš.

Ko odova berš paše 50% taro meribaskere aktia ko Roma ule angleder te resen 65 berša phuripa, diferencijaja taro 23% ko aver nacionalitetoa, vakeren o asociacie em organizacie.

Aso o organizacie preventivno sastipaskiri protektiva aso reproduktivno sastipa, thaj e čhavengoro em daengoro sastipa si importantno te šaj ovel sasto start ko dživdipa thaj ko lačharipa e saste dizutnenge.

Prekal o aktiviteto taro o NGO ki imunizacia e Romane čhavenge ki komuna Šuto orizari, Delečvo, Vinica thaj Pehčevo o perimetar akceptirime romane čhave tri vakcinacia si taro 2012 berš majuče thaj ko momenti si paše 90%.

„Numa i Romani jekhin taro akala komune panda si len problemia ki prevencia e sastipaskere protektivake ko džuvlengoro reproduktivno sastipa thaj o sastipa e daenge thaj čhavenge. Detektirime problemia so: nanipa akcepcia tari kontrola ko patrinažno medicinakoro personali , na bari sastipaskiri edukacia , na bari akcepcia sistematsko sastipaskere kontrole thaj na akcepcia an i programa skrining ko kancer ko krlo tari matka thaj pukjiba participacia ko personalno ginekologia" vakeren o organizacie.

Ko Samiti ko Poznanj - Polska akceptirimi i Deklaracia e themenge taro Paščimalo Balkani an i integracia e Romenge ko procesi ko buvljaripa taro EU

Ki inicijativa tari Republika Utarali makedonia ko Samiti ko Poznank - Polska ka ovel akceptirime i Deklaracia e themege taro Paščimalo Balkani an i integracia e Romenge ko pervazia ko procesi tari Euintegracia.

Jekh taro dokumentia soka oven akceptirime ko beršeskoro samiti bašo Paščimalo Balkani so si avdive ko Poznanj Polsjka si i integracia e Romenge ko pervazia ko procesi tari Euintegracia.

I deklaracia so sine bahamkerdi em inicirimi taro Presidento e Govermenteske tari republika Utarali Makedonia o Zoran Zaev ko Samiti taro EU bašo Paščimalo Balkani so sine kerdi ki Sofia, Bugaria ko 17-to Maj 2018 berš inicirimi tari regionalno intergacia e Romenge sar kotor e procesoske ko buvljariba e EU, thaj ka ovel čhivdi signatura ko Forumo e liderengoro taro thema tari Paščimalo Balkani ko Paraštuj ko 5 Juli.

I Inicijativa akale deklaraciake zorale suportime tari europakiri komisia ko Konsilo e regionalno korelaciake , sikavel ambicie thaj realno kotor e integraciake ko Roma, so o thema ka valjani te keren len anglal te aven ko EU.

I deklaracia akceptirime o fundavutne principia te resel pe o targeto , konektiribna andrutni koordinacia , hulavipa o Budžeto, opservacia thaj raporti e strategiake tari Nacionalno Strategia e Romenge 2014-2020:

Kana ka tiknjarel pe o konflikto maškar i romani thaj naRomani jekhin zojrakerel pe o procesi ko saste politike thaj aktivitetoa e Govermenteske ko regionia so ka anen lačharipa e situaciake e Romenge.

O Ministeri bizo resori o Muzafer Bajram si notirime an i implementacia e Stratehiake e Romenge an o Govermento . O Muzafer Bajram thaj o nacionalno kontakt punkto e Romenge baši koordinacia ko akcisko plania ki realizacia ko kanonia em aktia ki deklaracia ko thema taro paščimalo Balkani ki integracia e Romenge ko pervazia e procesoske ki integracia ki EU , so ka ovel akceptirime ko samiti ko Poznanj.

Šaj keren ko mobilno tromale, o roaming taro Paščimalo Balkan si majtelune moldiencar bašo 99 %

O dizutne taro 1 juli sako drom kana si avri tari piri them taro regioni (Srbija, Montenegro, BiH, Kosovo, Albania thaj Makedonia) ka šaj te istemalkeren o internet te bičhaven SMS te roden len, ola da te roden ko mobil odova da moldiencar so si 99% majtele.

–Odova konkretno si kaj o dizutne ka šaj te roden ko mobil ko thema taro Paščimalo Balkani Srbija, Montenegro, BiH, Kosovo, Albania thaj Makedonia moldijaja taro 5,4 denaria (paše 0.10 euro) minuta barabar DDV. O dži akanutne moldia sine ko prosek paše 1.2 eura jali 75, 4 denaria. Ka šaj te roden ole thaj te pukinen 2.9 denaria ki minuta jali 0.05 euro.

I dži akanutni moldi sine 39 denaria jali 0.50 eura. O SMS ka ovel paše 0.04 eura. I moldi dži akana sine 0.25 eura. O internet ka ovel len paše 0.03 eura ko MB. I moldi dji akana sine paše 5 eura. O moldia si linearno thaj ko sa thema em operatoria konektirime DDV.

O tiknjariba e moldienge ki Srbija, Montenegro, BiH, Kosovo, Albania thaj Makedonia te šaj te rode akana si majevtino bašo 68,58 %, te akahren tut bašo 31,67 % SMS bašo 71,40 % thaj o internet 89,40 % a e Albaniake em e Kosoveske o tikjnaripa si paše 93 %.

Ko jekh informirinen kaj taro 1 juli 2021 гsaste ka ovel validno o roaming sar te ove khere.

I debata akaleske startujngja thaj ko jekh ko 2021 berš ka kerel pe lafi e EU soske trubul te faisalkerel pe o problemi ko Paščimalo Balkani majanglal .
Ko momento ko diferentno thema tari Euo moldia si diferentno.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 136 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date