Turkiakere emigrantia tari Grcia but droma liparena pe an o olengere divesa tari olengiri purani them angleder o kerdo egzodusi upral lende an o pervazia trampa e dizutnenge taro 1923 berš . Numa hari džanela pe bašo o Roma mašakr okola Turklie so ko jekh trubul sine te mukhen pire khera ko agor e Jekhto Lumiakere baribaske.

Okola so si panda dživde thaj olengere unukia vakeren odola storie. Ko kontekst e Kontraktoske tari Lozana taro 1923 berš , i Turkia thaj i Grcia angje decizia te keren bari trampa taro duj milionia manuša upral i funda tari olengiri religia.

Sar kotor taro kontrakto pobuter taro jekh milionia grkia hristiania thaj 500.000 muslimania Turklie thaj Roma an i Anadolia thaj an o grciakiri them te oven trampime.

Te šaj regisitririnen pe aktia trampake ola trubul sine te oven mukhle e govermentoske an i trampa e osmanlisko somnakaeske thaj sine formirime komisie so ka keren akava pukjiba thaj trampa , barabutne registracijaja sine kerde thaj dokumentoa anavekrdi sar "rekvizicia bašo niveliriba o moldipa".
Grupa an o pervazia akale trampake sine thaj Roma taro regiono Lagkadas tari grciakiri utarali diz Solun , so dromarena sine an i Turkia prekal o pani thaj sine thanjarde an i sasti them.

Link: http://www.hurriyetdailynews.com/roma-people-tell-of-ancestors-1923-population-exchange-stories-141853?fbclid=IwAR30yi3WGfmbWbp8bBHqD8fyVpxh7HHLEosFaF-2JO1LeA2O6KKa-antNP4

O membria tari Makedonikani Platforma mujal o čorolipa bičhavgje rodaripa dži ko presidento an o Parlamento o Talat Djaferi thaj dži ko sa o deputatia ko majsig vakti te ovel čhivdo an i diveseskiri agenda thaj te del pe vota bašo nevo Kanoni e socialno protektivake thaj čhavorikane protektivake.

– Kama te potencirina kaj si baro ziani so direktno kerela presia upral jekh but marginalizirimi grupa. Pobuter taro 25.000 familie udžarena te anel pe akava kanoni solea na faisalkerel pe o problemi taro čorolipa, numa del pe pativ te ikljol pe tari rota e čorolipaske so lungo vakti si andre, akcentirinel o Zoran Bikovski , represento taro MPMČ.

Ov notirinel kaj o persone so si taro socialno familie so dživdinen taro o socialno taro 2.000 denaria,( 35 eura) ko than , sar so vakerela odova akti taro kanoni legarel pe an o nivelo taro socialno, te oven trampime e minimalno lovencar so ka mukhel 4 dženengiri familia majhari 9.000 (150 eura) dži ko 11.000 denaria (185 eura) dži kote olengere čhave džana an i škola.

– Odova si thaj aniba asavko edukaciakoro dopherde love, a e familienge so len akala love implementiribaja thaj čhavorikane love akcentirinel o Bikovski.

Potencirime si kaj pobuter taro 5.000 familie udžaren te implementirinel pe e phurengiri penzia solea ka ovel pomukhle akala manuša so nane len 15 berša bukjarno staži te ovel olen nesavi penzia.