Socijala

I germansko kancelarka Angela Merkel ka ovel phursarkerdi Europakere phursakoa bašo civilno niamia taro Sinti thaj Roma prekal on line ceremonia ko 28 april akava berš

Europakoro phursako civilno niamenge taro Sinti thaj Roma akava berš ka den la e germansko kancalarkake i Angela Merkel taro Centralno Konsilo e germaniakere Sinti thaj Roma barabutne e fondaciake Manfred Lautenšlager. Ki akaja ceremonia plo lafi sine le o Andrej Kiska nekanutno presidento tari Slovakia so lelja akava phursako ko 2019 berš . Sebepi i pandemia taro Covid 19 i sasti ceremonia ikergja poe on line ko 28 april akava berš.

O phursako Meg dela pe e Merkelake soske sar lelja piri funkcia ko 2005 berš oj kerel sine baro aktiviteto te bajrol i gind ko minjoritetengere niamia a ko diferentno momentia ko notiriba ko memeorialo taro Holokasuto mujal o Sinti thaj o Roma ki Europa  ko vakti taro Dujto lumiakoro Maripa. E kancelarka lelja historikano džovaplipa e Germaniake esktra ko kerde nacistikane bibahtalipa ko vakti taro holokausti mujal o europsko Sinti thaj Roma em fundikerel politikane aktia odole džovaplipaja em o konsekvence vakergja o Romane Rose o prsidento taro Centralno Konsilo taro Sinti thaj Roma.

 

Link: http://www.romea.cz/en/news/world/german-chancellor-angela-merkel-to-be-awarded-the-european-civil-rights-prize-of-the-sinti-and-roma-online-at-14-30-today

Ilmi Kurtiši: Terne Romane umetnikia nane len love bapi edukacia

Akala dive ko Centro kulturake ko Debar sine phravdo solo performansko taro terno umetniko Armond Sulejmani  so sar so sine dendi i informacia kaj trujal i takentu nane le but šanse te educirinel pe ko majučo nivelo.

O presidenti taro NGO e Romengoro taro Debar “Mesečina” Ilmi Kurteši ko vakti taro phraviba e izložbake taro Sulejmani akcentiringja kaj o Roma taro Debar si len talenti ki umetnost numa bibahtake olengoro stabdardi na mukhela te educirinen pe ko majuče škole ki amari them.

,,Odoleske akharava sa e institucien te den suporto ko stipendiriba asavke talentia sar so si o 29 beršengoro Sulejmani soske ov si baro talenti” vakergja o Kurtiši em dopherela kaj o talentirime Roma sebepi oleskiri pozicia ko sasoitnipa na keren baro sukcesi.

O terno slikari Sulejmani vakergja kaj kerel buti sar moleri te šaj egzistirinela palo agorkeriba e maškarutne edukaciake odlično sukceea na sin le šajdipa te džal ki akademia em vakerel “nane kasno te džav salde te dengje man neko arka” em te kerav mi dživdipaskiri mangin te ovav akademsko umetniko. Ko phraviba e izlođbake o direktori e Centareskoro kulturake Zinče Mimidinovski akcentiringja kaj ko pervazia e beršeskere programake den akcenti terne talentenge tari romani etnikani jekhin . O direktori dophergja kaj o terno Sulejmani isi le dži akana sizložime 20 slike platno na maslo.

Počmingja i buti tari Ginekološko ordinaci D-r Boškovski ko Šuto Orizari

I Inicijatuva e džuvlengiri taro  Šuto Orizari informirinena kaj i ginekološko ordinacija d-r Boškovski ki ambulanta ko Šuto Orizari počmingja pire bukjaja. E bukjakoro vakti tari Ginekološko ordinacija taro palokukro dži ko paraštuj 07:00 -15:00 o časo, a ko trintodi 12:00 -20:00 časi. I Ordinacija kerel buti abngleder notirime pregledea, O pregledia keren pe ko šalteri jali ko telefoni: 02 2658 688 Ko jekh i Inicijativa e džuvlengiri taro  Šuto Orizari akcentrinela dži kote valjan dopherde informacie šaj te prepuen pe o parapravnike te valjani informacie bašo ginekološko kontrole šaj te puen pe o aktiviste so si sako dive ko terebsko aktiviteta ili te avel ko Mladinskiot Centar ,,Sakam da znam" so si ki ambulanta ko Šuto Orizari,

jali te roden ko telefoni: 02 2651 955

SP BTR phravela konkurs bašo Čhavorikano festival „Čhavorikano suno”

SP BTR produkcijata ki realizacia e aktuviteteske sar so si e muzikakoro festivali „Čhavorikano suno” dela phravdo Konkurs ki realizacija e korkoro festivaleske. ZBašo akava Festivali o Konkursi si puterdo bašo e:

Studio - Produkcija snimibaske gilja

Hramorutno tekstia, aranžeri thaj autoria muzikake

O krokoro regulative ki organizacia e festivaleske o SP BTR , kote si potencirime kaj o gilja em o kompozicie na tromala te ovel majlungo taro 3 minutia.

Ko jekh ko škjole taro komuna Š.Orizari jerebn selekcia o profesorua ko alusariva čhaven so ka giljaven o kompozicie em keriba o čhavorikano ho. O Konkursi si 7 (efta) dive phanle 06 maj 2021 berš.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 190 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date