Angleder jekh masek prekal internet eteri pire signalea startujngja te funkcionirinel I jekhto romani televizija ki lumia o TV BTR - Nacional.

O TV BTR -Nacional piri buti startujngja ki durutni 1992 bersh majanglal sar radio a palo odova sar 24 saatengiri TV programa. Pohari esjtabliringja pe ko mediumsko eteri so o TV BTR pali jekh decenia ulo o avgo privatno TV mediumi ko sateliti ki them.

ИKo sa akala bersha o TV BTR Nacional si autori taro buteder programsko paketia em mila saatia sar TV , dokumentarno thaj filmsko programo taro sa o profilio.

Avdive da o TV BTR kergja asavke nabisterde programia ki publika so avdive da nostalgijaja dena pe godi ko odova periodi. Angleder 5 bersha achilo pire bukjaja ama angleder jekh masek palem startujngja sar internet televizija. But siga udjarela pe ki pli programsko shema taro sa profilia politika, informcie taro lokalno, nacionalno internacionalno karakteri, kultura, tradicija , dokumentarno thaj khelde serie, zabavo programa thaj aver. Premal o gazda e TV o Zoran Dimov ka sikavel programa so ka chajlarel sa o finese e dikhutnenge.

O Premieroi tari Kroacia, o Andrej Plenakoviḱ, čhivgja venco anglal o lipar „Kamen cvet“ e, ki lipar ploča ko romane limoria koUštice, kote vizitkergja o Memorijal centar e Romengoro ko Uštice. O vencia sine dende sebepi o viktimia ko logoro Jasenovac sebepi 75-berša ko uštipa e phanlenge ko logoro Jasenovac.

„Odova si jekh taro majtragično periodia ki istoria e Kroaciake . Vakti si sa o generacie ma te bistren akava bibahtalipa em te ovel olen klar em putardo negativno percepcia akale bibahtake” vakergja o Plenakoviḱ.

Trujal o premieri than lele baro numero ministeria taro hrvatsko goveremnti.