Ko maškar e masekoske mart sine deportirime jekh romani familia – so majbaro kotor taro piro dživdipa nakhavgja le ki Germania em propello salde soske o ekipaži taro aeroplano na manglja te kerel I deportacia.

I familia Toska dživdinela ko Northeim ki Dolna Saksonia pobuter taro 20 berša. Sar so notirinela o Hessische Niedersächsische Allgemeine, štar tikneberšengere čhave so si bare taro 8 dži ko 17 berša so valjani sine te oven deportirime olengere dajaja dživdinen sine ki Germania taro olengoro bijanpa.

Javer čhavo tari familia so akana si pherdeberšengoro so bijandilo kana oleskiri familia sine ki Italia. Mujal oleste isi akti tari deportacia . O imigracisko ofisi vakergje leske te džal ki Italia te šaj anel piro lil nijanipaskoro sar kopia. Ova na manglja soske vakergja ka džal te pukjingje leske ola odova drumo dži ki Italiua em te dengje garancia kaj palem šaj khuvel ki Germania.

Šov masekoa angledero dat e čhavengoro sine deportirime ko Kosovo prekal I misia SEK. I korkoro daj  nane taro Kosovo numa tari Slovenia em ko jekh sar tikni referenca e themake kote valjani te ovel deportirime em o čhave so si bijame ki Germania.

Link: https://www.wsws.org/de/articles/2021/05/06/absc-m06.html?fbclid=IwAR09OcI81QGgg4SJEtHxx-sljEULf5gtq0IBFDOc-DTyBkc5f5jQD-5zZHw

O Herdelez I keren sine em o Khoraja ko akala teritorie. Bisteral pe kaj majimportantno buti jekhe naciake si o nacionaliteto em odova našti trampinel pe taro bijanipa dži komeriba, a I religia šaj trampine sako dive. O Albancoa keren akava baro dive anavea ŠINDERD. Majpakjavutne odova ačhilo taro anglutni religia sar katolikia ama avdive da keren odova baro dive. O Hederlez si pirano anav barodiveseske. Odova dive kerel pe panda ko vakti taro o pejgamberi  Hz. Musa (Mojsej) so dživdinel sine paše 13 veko p.n.e. O Isa (Isus). I konekciaas maškar o H.z. Hizar (al-Hader) šaj arakhel pe em ko Kurani, sura al kahf (66-82). O Hz. Hizir thaj Hz. Iljas dikhen pe sine jekh drom ko berš ko 6 maj kana  počminel sine o nilaj soske tegani prekal o notacie džanena sine salde o nilaj em o jevend. Odoleske o Roma džanena sine salde odola duj sezone. O anav Hederlez keren sa o muslimania, a o hristiania keren o anav Sv. Gjorgji O Sv. Gjorgji si bijamo ki Turkia (Kapadokija)  em sar baro hristiani na mangel sine te terorizirinel e hristijanen pa sine mudardo (čhinge oleskoro šero) ko 23 april 303 berš, kote dopheribaja 13 divesa te šaj  iranen pe prekal Juliansko kalendari ko Gregoriansko em odova dive avela ko 6 maj. Pendžardo si kaj o Sv Gjorgji 494 si notirime sar svetco taro o papa Galesij em od tegani dikhel pe sar protektori e dizjenge em themenge ki Europa. Sar so dikhela pe o herdelezi kerel pe majhari 17 vekoa angleder os Sv Gjorgji em sako ceremony panjea, čar, nangjariba čhiniba bakhre , jag, muzika, pelivania, loš si purani tradicia em si diferencia.