Muzika

Srbia: Palo 20 berša lko Niš palem ikergja pe Romano fest

Ki organizacia tari Asociacia "veseli romi" taro Niš palo duj decenie ikergja pe Romano Fest . Ko odola duj divesa i publika sine len šajdipa te dikhen multikulturakoro performansi - literatura, arti thaj muzika.

Performansea taro fotografie taro romano dživdipa thaj lizteraturno koncepto taro poetoa ko Niš ki Tvrdina ko Niš počmingja o festivali e romane muzikaja em kultura.
O "Romano Festi" ko odova dikhibva o literaturia lele than ko dikhiba sine tari Asociacia " Čegar"

–Trujal i romani sine prezentacia i kultura taro aver nacie so dživdinen ko akala thana . O festivali počmingja artistikne galerijaja anglal o Jazz muzei ki Tvrdina Niš palo odova literaturno rakj kote sine sikavdo o lil bašo Paban Bajramović v - vakergja o Mile Petrović tari Asociacia veseli Romi"

Elvis Bajramović si avgo truba ki Guča 2019!

“Sako amendar ki Guča avela te viktoririnel , a me aljum ma te viktoririnav , thaj akava mange si čače šok, soske gindinav sine kaj sium but terno em si mange vakti te legarav akaja viktoria numa ake ulo akava em me sium but bahtalo" vakergja o Elvis Bajramović i avgo truba ki Guča ko akava 59 editori.

Ov si tari komuna Bojnik. Oleske sar utsavalo udžakeriba thaj promocia oleske organiziringja o Ofiso Kulturake ki komuna Bojnik sar nišani tari šukrikerin so ov reprezentiringja i komuna na salde ki Srbia numa an i sasti lumia.

Ko jekh i komuna Bojnik si pendžardi so sik la čače but lačhe trubačia so reslje akava phursako Avgo Truba ki Guča.

O zorpalipa tari kultura - Roni Vud, Roling Stounsi

O Roni Vud ko plo 50-to biando dive taro ple amala taro o bendi Roling Stounsi sar bakšiši reslja figura "Karavani" soske oleskiri majbari mangin sine te šhirel i lumia karavanea sar so kergje oleskere parapapua.

O Roni Vud- gitaristi taro Roling Stounsi si Rom.

Ov nikana na ladžala sine taro pire darhinalipa kote so vakerel sine kaj si garvasialo Rom.

Odova vakeren oleskere amala taro bendi, o žurnalistia, amala thaj avera .
Odoleske i nostalgia kerel leske sine i lumia te nakhavel la saste karavanea.

Numa odova ačhili salde jekh mangin taro Roni Vud soske ov i lumia nakhljala la aeroplanea brodia, jahte, vorda, soske ov sine beršencar jekh maestralno gitaristi bare karieraja ko jekh asavko baro muzikakoro bendi , so lungo vakti si ko muzikakoro lumia, thaj odole muzikaja barile but terne generacie kote so akaja muzika akana da si panda aktuelno.

O aver anav taro Zdravko Čolić : Manglja te kerel lumiakiri kariera, numa čhinavgja

O legendarno giljavutno Zdravko Čolić (68) taro sakodrom sine jekh taro majbare muzikakere talentoa ki nekanutni Jugoslavia. Trujal o vokali o Čola sine em fizičko atraktivno so savore oleste ilustririnen le sar srpsko Tom Džons.

Avgo debitantsko giljajbe anglal i publika sine le ko jekh festivali amaterenge ko 1967 berš , a i solo kariera počmingja ko agor taro 1970 berša e giljaja" Sinoč nisi bila tu" - " Irati na sian sine akate"

Numa but hari si pendžarutno o akto so kergja o Čola so sine ko agor taro 70-to berša.

Ov tegani manglja te kerel kaj si popularno em pendžardo em sine le bari balkansko kariera te ovel pendžarde em avrial ko internacionalno nivelo.

Numa fakti si kaj e stranconge sine but phareste te vakeren oleskoro anav thaj oleskere producentoa notiringje kaj o anav Zdravko te ovel akana sar Dravko.

Ov tegani snimingja nekobor gilja ko diferentno internacionalno čhibja. O Čola tari akaja idea chidingja pe soske ka valjani sine te mukhel i Jugoslavia thaj te dživdinel ki Germania.

I gili so ikavgja la baši Germania legale sine anav: "Alles was Ich Hab". - „Sa so isi man„

Youtube https://www.youtube.com/watch?time_continue=1&v=XvdiikVirWU

FaLang translation system by Faboba

Mangava te vakerav

TV BTR NACIONAL

Momentalno Online

       Isi 498 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali