Muzika

Gitar Art Festival - GAF: Šemšeko taro gitare thaj i sasti magia taro flamenko

Gitar art festival (GAF) akava da berš 20-to drom jubilejno ka visitkerel i memoria taro o nacie kote majšukar odova arakhel pe an i muzika. Si li odova forma taro jekh dživdipa prekal o magično flamenko - jazz jali romano toni taro swing fenomenalno kombinacia taro temepramenti jekhe naciake thaj o džanlipa olengere virtuosenge.

O Rosenberg Trio tari Holandia si jekh taro majšukare representia Р odole inficirime romane toneske kote an o europakoro than presentiringja le thaj promoviringja le o fenomenalno Džango Rajnhart o šemšeko kote trin e naencar jekhto thaj majpakjavutne jekhutno jazz gitaristi so sine le piri presia upral pire kolege tari aver rig e okeaneske . Numa thaj o Rosenberg Trio o phralja so si len interesno anava - Štokelo an i gitara, Noni an o kontrabasi thaj o Nuše an i ritam gitara so ko 13 mart bašalgje an i Kombakt Arena ko GAF festivali.

Ko olengiri muzikakiri presentacia isi taro sa po hari sar mix - rumunsko, hungariakoro, balkansko, romano folkloro, soske ola si Manuša, Roma tari Europa so bašaven o ritmia e muzikake taro pire dada thaj papua. Tegani maškar olenfde iklilo o Džango thaj sikavgja sar odova kerela pe thaj formiringje jekhutno unikatno muzikakiri čhib kote o ritmi taro amare purane dada kergja i forma swing.

Odolea taro folk uli jazz varianta an i europakiri forma. O gitare ale ko angluno plani, a o bašaviba ulo than kone o naja ujrana sine prekal o žice majsig numa o auto trke an i Monca.

O Rosneberg Trio si sar extra klasa representia taro unikatno stili so bašavena pendžarde melodie , numa sako drom prekal piro stili. Sine len bašavipa sakote (an o Beograd sine duj droma) taro „North Sea Jazz“ festivali dži ko njujorško „Karnegi Hall„sakote liparibaja laj i legenda si jekh thaj jekhutni.

Te mangljan te sikljove thaj te have o Romano jazz , startujn taro Džango, o majšukar gitaristi taro savaktia, vakerel o Štokelo Rosenberg so počmingja te bašavel gitara taro pire 10 berša. Kana počmingja te sikljol te šunel e Džango ov siklilo sako oleskoro solo bašavib adži ko agorutni detali , emitacijaja sa oleskere variante thaj odova sikavel kaj si but lačho fakti te dikhel pe olengoro koncerti.

Trijal o Romano swing ko trendi si thaj o flamenko pa odoleske an o Gitar art festival reslja te anel jekhe taro majšikar an o akava stili o pendžardo flamenko gitaristi o Vinsente Amigo so ikergja piro koncerti an o 12 mart ki odoja hala. An i piri kariera o Amigo duj droma bašavgja an o Beograd thaj palem iranel pe palo 10 berša te presentirinel pire numere taro o albumi “Memoria de los sentidos”. An o akava albumi akava artisto iranel pe an o tradicionalno darhie taro flamenko thaj dela respekto aso piro profesori thaj amal o Paco de Lusia numeraja Rekviem.

I estradno čeren Ivan Kurtić ilustiringja so nakhavgja ko oleskoro giljajbe ko romane bijava

O Ivan Kurtić sar giljavutno giljavgja ko pherdo bijava thaj sar so vakerel ko buteder olendar angleder sine phanle lafia bašo prandina thaj ov si but bibahtalo taro odova fakti thaj holjamo e jerienge so keren odova pire čhavenge.

"But droma giljavav ko bijava kote sine angleder phanle lafia prandibaske, a majbut ko majterne Roma. Pobuter olendar sine but bibahtale terne čhave so na sine pučle bašo odola prandina soske o jeria angleder phanle pire lafia e prandinenge. Ko krlo ačhola mange knedla kana dikhav odola momentia ko bijava thaj olengiri bari bibaht ko than te oven o majlošale an i lumia.

Buteder ko odola bijava ikljon em skandalia sar egzamplo ko than i terni bori te na iklili pe mueja. But droma džanel te agorkerel o bijav konfliktoa maškar o duj familie.
O vakti taro asavke phanle lafia prandinake trubul te našavgjoven thaj ma te oven asavke bijava" vakerela o Kurtić.

O orkestri taro Džambo Agušev an i manifestacia Zlatna Buba Mara 2019 reslja o phursako: "Majpopularno pleh orkestari bašo 2018"

Sar beršencar napalala i publika geli peske thaj tari i manfiestacia "Zlatna Buba Mara" so ikergja pe palo 22-to drom i VIP Arena Boris Trajkovski telal o moto " Te predajna aemn e muzikake, zabavake thaj asajbaske"

Sar sako drom tari akaja manifestacia akava da berš o majnevo naklja an i lačhi atmosfera .

Trujal sa o dende phursakoa tari Buba Mara ko diferentno kategorie agjaar akava da berš an i kategoria " Majpopularno pleh orkestar bašo 2018 " sine notirime e orkestar so beršencar napalal jekh taro majšukar na salde an i Makedonia numa em ko regioni thaj buvleste o Orkestar taro Džambo Agušev.

Ola nekobor berša napalal si majšukare ki pli buti thaj si but rodime avrial an o internacionalno nivelo.

Santino Spineli: O Europjania i Romani muzika havena la, a o Roma hošinena la

O Alexian Santino Spineli peste ilustririnela sar artisto thaj aktivisto, patrioto thaj humanisti e romane kulturake. O Alexian si oleskoro artistikano anava so si konektirime olea thaj oleskere muzikakoro -artistikani kariera, trujal so oleskiri profesia si - profesoro.

Baripaja ov akcentirinela oleskere darhie so si lungo 600 berša napalal sa an i familia so sine muzikaja.

I muztikakiri kariera taro Spineli si saste upreder 35 berša thaj si impresivno. Startujngja sar čhavoro thaj na džangja ni ko suno kaj ka avel dive te bašavel an o stejdže anglal pherdi publika ko than baro sar fudbalsko stadiono thaj te dikhel kaj aven zainteresirimi publika an i kolona lungo 4 kilometria.

Dži akana ikergja upreder 3000 koncertia an i sasti lumia thaj khedingja 54 profesionalno muzičaria tari sasti lumia thaj organiziringja Europakoro orkestari tromalipaske thaj notacijaja akale proektoske o Spineli vakerela:

„E Europake trubul buvljaripa. Amen sem mujal i diskriminacia sakone formaja. Trubul te respektirinel pe sako manu, sako kultura thaj religia. An i demokratia trubul sakone te ovel le piro than dživdipaske.

Akale orkestarea kamav te kerav jekhutne unikatno europakoro romano muzikakoro stili so an o momenti nane an i Europa. I romani muzika si hulavdi aso regionia thaj sakone si le piro personalno stili, sar egzamplo sar so si okova an o Balkano, an i Francia jali an i Špania"

Link: https://phralipen.hr/2019/01/24/romska-glazba-koju-europljani-mogu-razumjeti-a-romi-osjecati-svoju/

FaLang translation system by Faboba

Mangava te vakerav

TV BTR NACIONAL

Momentalno Online

       Isi 350 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali