Muzika

Ko si palal artistikano anav "Malisha" ki balkansko muzikakoro scena?

Oj si i Eleonora Mustafovska majpendžardi sar naslednička e thagarutnake e romane giljake i Esma Redžepova -Teodosievska, so ko jekh periodo sine em pendžardi sar vokali ko nevoformirimo Esmas Bend.

Oj angja decizia e publikake te promovirinel pe telal akana artistikano nevo anav - Malisha. so si čače nasakodiveseskoro anav. Palo meriba tari esma nakhle trin berša , thaj korkoro vakerela kaj odova ki late mukhlja bari notacia.

-Olakoro meriba kergja man but bibahtali thaj trubul sine vakti te iranav man napalal ko normalno dživdipa. pakajava kaj oj da si akana but lošali akala mle neve startia thaj dikhela man upral.

Ki olakiri akana nevi muzikakiri kariera dela la baro suporto em o Simeon Atanasov so kerel buti barabutne olaja ko pobuter proektia.

Piri avgo gili "Tebi se predajem" i Malisha kergja la ki srpsko čhib thaj oj akana genjela pobuter taro 500.000 dikhiba.

Youtube: https://www.youtube.com/watch?time_continue=12&v=oNK52r2DJds

Mulo o pendžardo romano muzičari tari Čehia o Jan Surmaj

O romano pendžardo muzičari Jan Surmaj mulo ko javinakere saatia ko 4 Juli ko 64 berpa palo baro em lungo nasvalipa. Ov barilo ki romani mahala Kočanovice an i Slovakia.

O rajo Surmaj saste presentirinel sine i muzika taro piro čhavoripa, thaj bašavela sine majbut harmonika em kjemana. Palo oleskoro profesionalno bašavipa ko askerieskoro orketstari ov gelo ko plo phral ko Neratovce, Centralno Bohemia.

Ov odori gelo majbut ki pli muzikakiri kariera ki Bohemia kana počmingja te bašavel ko bijava em ko lokalia ki sasti Slovakia. Ov kergja em piro orkestari em khelgja ko nekobor filmia.

O rajo Surmaj thaj oleskiri romni sine len duj čhave so ko jekh ola da si muzičaria thaj snimimo si dokumentarco baši TV Romea.

 

Link: http://www.romea.cz/en/news/czech/romani-musician-jan-surmaj-has-passed-away-in-the-czech-republic

Youtube:

Liljana Petrović - Batler o ilo e romane kafansko giljake

Olakiri majbari škola sine i kafana. Biami ko Beograd ko 14 Decembro 1944 berš ki umetnikani familia.

Piri avgo debi giljajbe sine la ko 12 berš kana giljavgja ki kafana kote trampingja pire dija so sine nasvali. Oj but rano uli daj.

" I tragedia emende ko Roma si so but rano ovaja zrelo. Me uljum daj ko 14 berša a me rome sine le 16 berša."

Trujal so jekh vakti džala sine em ki muzičko škola, numa majbari škola sar so oj vakerel olake sine i - kafana.
Trujal o baro publiciteto em popularnost oj da ki pi mortik hošđingja so si diskriminacia.
Vakerena sine " So rodel akaja Romani ki TV sako dive em so odothe oj kerela buti. Taro sako drom amen e Romen na respektirinen sine. Numa korkoro siem bange odoleske, soske pomukhlem olenge but te keren amenge agjaar"

Ko agor taro 80-to berša oj dikhlja kaj ka ovel mariba khedingja pe trin čhaven jekhe kuferea em geli ki Germania.
Odori giljavel sine ko romane bijava te šaj efzistirinela . Ko jekh kerel sine em javer phare bukja sar so užđarel sine toaletia, a sa odova sine registririme ko dokumentarno filmi so sine kerdo lake taro BBC.

Link: https://www.blic.rs/zabava/zivot-pun-uspona-i-padova-porodila-se-sa-14-godina-proslavila-se-u-celom-regionu-a/213bvr7

Niš: O festivalo e romane muzikake „Me sem Šaban“ an o 7-8 juni an o nilaeskoro stejdži

Diferencijaja taro persi berš kana ikergja pe ko amfietatar an o kej ko Niš akava berš i programa ka realizirinel pe an i nilaeskoro stejdžo tari Tvrdina ko Niš thaj ko Niško kulturakoro centro.

Ko jekhto festivalsko dive planirimi si tribina an i tema i muzika sar amaneti so mukhlja o romano thagar o Šaban Bajramović thaj bašajbe taro orkestar Crne mambe thaj o Nebojša Saitović sar jekh taro inicijatoria akale festivaleske.

O oficialno anava e festivaleskoro si „ World and Gipsy music festival„ Pire specifično repertoarea kheden baro numero publika.

O festivali oficialno ka ovel phravdo taro trubači Nebojša Sejdić, unuko taro pendžarutno Feat Sejdić. Ko jekh than ka len o orkestar "Apsolutno romantično" taro Novi Sad so beršencar napalala bašavena e pendžarutne naktautorea o Džordže Balašević , a avgo drom ka bašaven anglal i niško publika.

O organizatori e festivaleskoro si Federacia e romane elementarno, srednistia thaj studentoa (FROS) thaj o Niško kulturno centro , a o karte si bilovengoro.

FaLang translation system by Faboba

Mangava te vakerav

TV BTR NACIONAL

Momentalno Online

       Isi 410 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali