Muzika

„Romengo" - Romano bendi tari Ungaria

O romano bendi „Romengo" tari Ungaria na darala te eksperimentirinel te kerel muzika - tono taro limenke, češme , žice thaj specifikano bas tonia kerdo muea thaj voštencar . O bendi „Romengo" dži kana pire duj albumia so ikavgja sine ko Top 10 majšukar muzika ko World Music Charts Europe

„Romengo„ si pendžarutno thaj popularno bendo an i Ungaria . ola ikeren pe dži ki tradicia thaj ko neve bukja. Formirime si ko 2004 berš.
Ko bendi reprezentoa si Monika Lakatosh, Mihaili Rostas - Mazsi, Misi Kovac, Janosh Lakatosh - Guszti thaj Tibor Tibi Balogh.

O bendi bašavela hungariakiri Olah muzika kote isi elementia taro romane muzikakere darhie thaj elementoa taro moderno toni.
Ola bašavena tradicionalno instrumentia thaj keren eksperimentoa ki javer forma e tonea.

Ki olengiri struktura taro muziciriba isi muzika tari jazz, flamengo thaj javer forme.

Ko olengoro džiakanutno muziciriba ikavgje duj perfektno muzičko albumia so sine lačhe akceptirime tari publika o albumia „Kétháné“ thaj „Romanije“.

 

Boban Marković - Jekhto ki europakiri World music top lista

O respektirimo World Music Charts Europe (WMCE)havljargja piri masekoskiri top lista bašo Juli 2019 kote bašo avgo drom sar so si formirime jekh Romaano muzikakoro albumi arakhlja pe ko jekhto than ki top lista.

Sar so hramosarela o portali World music o nevo albumi taro Boban Marković thaj oleskoro orkestar "Mrak" ikavgja le i ungarsko muzičko produkcia Fonó Budai Zeneház, thaj o nevo albumi o Bobani thaj i grupa udžargje le efta berša.
Dži ko akava sukceso sar majlačheste pozicirime albumi taro akala regionia sine e grupa Kal so pire albumea "Kal" ko 2006 berš sine ki trinto pozicia.

O WMCE si fundirime 1991 berš taro eruopakere radio producentoa ko anav tari europakiri unia taro radiodifuzeria (EBU).

Jekh drom ko masek o radio world music DJ taro 24 europakere thema dena piri vota bašo pire favoritia maškar aktuelno muzikakere kerde albumia thaj bičhavena len ko Berlin a i lista taro avgo deš albumia editirinen pe ko internet portali WMCE.

O Boban Marković si biame ko Vladiči Han ko 1964 berš . Ov pire orekstare areslja but phursakoa thaj diplome sar ko nacionalno agjaar em internacionalno . Oleskere grupakoro anav si "Balkan Brass". Dži akana si le ikavdo upreder 15 CD albumia.

Link: https://www.vranjenews.rs/news/boban-markovi%C4%87-prvi-na-evropskoj-world-music-top-listi

Youtube -

Ko si palal artistikano anav "Malisha" ki balkansko muzikakoro scena?

Oj si i Eleonora Mustafovska majpendžardi sar naslednička e thagarutnake e romane giljake i Esma Redžepova -Teodosievska, so ko jekh periodo sine em pendžardi sar vokali ko nevoformirimo Esmas Bend.

Oj angja decizia e publikake te promovirinel pe telal akana artistikano nevo anav - Malisha. so si čače nasakodiveseskoro anav. Palo meriba tari esma nakhle trin berša , thaj korkoro vakerela kaj odova ki late mukhlja bari notacia.

-Olakoro meriba kergja man but bibahtali thaj trubul sine vakti te iranav man napalal ko normalno dživdipa. pakajava kaj oj da si akana but lošali akala mle neve startia thaj dikhela man upral.

Ki olakiri akana nevi muzikakiri kariera dela la baro suporto em o Simeon Atanasov so kerel buti barabutne olaja ko pobuter proektia.

Piri avgo gili "Tebi se predajem" i Malisha kergja la ki srpsko čhib thaj oj akana genjela pobuter taro 500.000 dikhiba.

Youtube: https://www.youtube.com/watch?time_continue=12&v=oNK52r2DJds

Mulo o pendžardo romano muzičari tari Čehia o Jan Surmaj

O romano pendžardo muzičari Jan Surmaj mulo ko javinakere saatia ko 4 Juli ko 64 berpa palo baro em lungo nasvalipa. Ov barilo ki romani mahala Kočanovice an i Slovakia.

O rajo Surmaj saste presentirinel sine i muzika taro piro čhavoripa, thaj bašavela sine majbut harmonika em kjemana. Palo oleskoro profesionalno bašavipa ko askerieskoro orketstari ov gelo ko plo phral ko Neratovce, Centralno Bohemia.

Ov odori gelo majbut ki pli muzikakiri kariera ki Bohemia kana počmingja te bašavel ko bijava em ko lokalia ki sasti Slovakia. Ov kergja em piro orkestari em khelgja ko nekobor filmia.

O rajo Surmaj thaj oleskiri romni sine len duj čhave so ko jekh ola da si muzičaria thaj snimimo si dokumentarco baši TV Romea.

 

Link: http://www.romea.cz/en/news/czech/romani-musician-jan-surmaj-has-passed-away-in-the-czech-republic

Youtube:

FaLang translation system by Faboba

Mangava te vakerav

Momentalno Online

       Isi 77 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali