Muzika

O Džoni Dip formringja piro romani ilo an i Romania ko vakti kana dikhlja pe pire amalencar Romane muzičaria

O Džoni Dip ko vakti avrial tari piri turnea arakhlja vakti tari piri turnea e holivudsko vampirencar te šaj mukhel pe ki hor romani kultura.

O Dip so sine an i vizita e "Drakula zamoko" uče an o Transalvanisko plaina e Tim Bartonea thaj o bendi taro Alis Kuper kote sine le dikhiba romane muzičarencar o Ionita thaj Viorika Din Klijani thaj olengiri čhaj o vokali Margerita.

I familia si taro gav Klejani 2 km taro Bukurešt thaj si legarutne persone an i romani muzikakiri scena.
O Ionita si ko jekh purano amal e Džoniske so sine pire romane bendoa Taraf de Haiduk an o filmi taro 2000 berš , " Manuš so rovela sine" kote bašavela sine harmonika an i scena e Kristina Riči.

O Dep dela pe godi kana ov reslja ko avgo dive taro seti e filmoske thaj vakergja kaj o bendi bašaven sine kana ov reslja. Ov vakerel kaj odova momenti sine leske but lačho thaj taro odova momento ov zamanglja i romani muzika thaj thavdingja majodoriga te promovirinel i romani muzika, kote sikavgja pe ko nekobor dokumentarno filmia , sar so si o filmi taro 2006 berš an o dokumentarco "Kana o drumo bangjola"

Link: https://www.yahoo.com/entertainment/johnny-depp-embraces-gypsy-heart-220157182.html?soc_src=social-sh&soc_trk=fb&fbclid=IwAR2rPt6VrcQujo6bRmLURJy0Br_41XKzHgdnC9RibBcIk_Bxy8gic6x3Goo

Tehemana Lazar, jekhutno trubači džuvli an i them

Tehemana Lazar (44), si jekhutni džuvli - trubači an i Makedonia.

Taro tikne berša but interesirinelman sine akava instrumenti thaj normalno sar sako tikno čhavo mangljum te probinav te bašavav le. Kana probingjum, ikljola sine toni so si but čudno jekhe čhajake. Počmingjum te džav ki teluni muzikakiri škola.

Savore pučenaman sine so kamav te bašavav , a me vakerav sine "truba". Sako instrumenti si phar, thaj našti vakerav kaj na sine man problemi. Trubul but praktika e instrumentea so šaj majbuter. Džuvli te lel truba thaj te bašavel odova hari maškar amare manuša si but napendžardo fenomeni. Na dikhel pe odova sako dive.

Me sium persona so trubul te sikavel e Romen , i romani kultura, muzika, i čhib. Persona so del sasti ilustracia e Romenge.

Kerava buti ko duj thana. Sikavav e čhaven romani čhib ki škola "Brakja Ramiz thaj Hamid" ki Šutka a dujto bukjarno than si mange sar profesori muzikake. Sikavav vokali, solfež thaj truba. Odova si organizacija jali škola so legarel anava "Roma Rock school" . Odothe na sikljovaja salde romani muzika, numa sikljovaja thaj aver forme muzika" vakerel i Tehemana.

O Ferus vakergja dži kana planirinela te bašavel

O thagar e saksafoneske Ferus Mustafov, so si aktivno an o muzikakoro palno, panda kerel instrumentalno performansia pire saksafonea.

Maškar o aver ov si akate an o sako vakti te del suportho sa okole terne muzičarenge so kamena te sikljoven o džanlipa akale specifično instrumenteske.

-Avena terne čhave . Isi but čhave so me sikavgjum olen. Akana bašaven profesionalno. Ma te anavkerav olen , numa ake miro unuko taro miro majphureder čhavo. Isi man taro Veles šukare studenti o Majkl. Palo odova o Džaferi , o Iso em but avera.
Sine man thaj tari Amerika duj džuvlja . isi man em tari Australia so sikavav len sine. Sa ola but šukare sikavgje pe, vakerel o Ferusi.

Trujal so si ov promovirime sar Thagar e saksafoneske , o korkoro Ferusi vakerel kaj ov panda sikljovela. Sar so notirinel o dživdipa si bari škola thaj sako drom sikljovaja neve bukja. Ko pučiba dži kana planirinel te bašavel o Ferusi vakerela:

-Dži kana ka bašavav? Sa dži kote o Devel vakerel te bašavav thaj palo odova te čhinavav, sa dži kote ikeren man mire pire thaj vasta ka bašavav. vakerel o Ferusi.

Akana sig vakti o Ferusi sine kotor taro jekh video proekto so kergje le o "Bumbari Bend" sebepi olengoro jubileo 25 berša aktiviteti an i makedonikani muzikakiri estrada.

Gitar Art Festival - GAF: Šemšeko taro gitare thaj i sasti magia taro flamenko

Gitar art festival (GAF) akava da berš 20-to drom jubilejno ka visitkerel i memoria taro o nacie kote majšukar odova arakhel pe an i muzika. Si li odova forma taro jekh dživdipa prekal o magično flamenko - jazz jali romano toni taro swing fenomenalno kombinacia taro temepramenti jekhe naciake thaj o džanlipa olengere virtuosenge.

O Rosenberg Trio tari Holandia si jekh taro majšukare representia Р odole inficirime romane toneske kote an o europakoro than presentiringja le thaj promoviringja le o fenomenalno Džango Rajnhart o šemšeko kote trin e naencar jekhto thaj majpakjavutne jekhutno jazz gitaristi so sine le piri presia upral pire kolege tari aver rig e okeaneske . Numa thaj o Rosenberg Trio o phralja so si len interesno anava - Štokelo an i gitara, Noni an o kontrabasi thaj o Nuše an i ritam gitara so ko 13 mart bašalgje an i Kombakt Arena ko GAF festivali.

Ko olengiri muzikakiri presentacia isi taro sa po hari sar mix - rumunsko, hungariakoro, balkansko, romano folkloro, soske ola si Manuša, Roma tari Europa so bašaven o ritmia e muzikake taro pire dada thaj papua. Tegani maškar olenfde iklilo o Džango thaj sikavgja sar odova kerela pe thaj formiringje jekhutno unikatno muzikakiri čhib kote o ritmi taro amare purane dada kergja i forma swing.

Odolea taro folk uli jazz varianta an i europakiri forma. O gitare ale ko angluno plani, a o bašaviba ulo than kone o naja ujrana sine prekal o žice majsig numa o auto trke an i Monca.

O Rosneberg Trio si sar extra klasa representia taro unikatno stili so bašavena pendžarde melodie , numa sako drom prekal piro stili. Sine len bašavipa sakote (an o Beograd sine duj droma) taro „North Sea Jazz“ festivali dži ko njujorško „Karnegi Hall„sakote liparibaja laj i legenda si jekh thaj jekhutni.

Te mangljan te sikljove thaj te have o Romano jazz , startujn taro Džango, o majšukar gitaristi taro savaktia, vakerel o Štokelo Rosenberg so počmingja te bašavel gitara taro pire 10 berša. Kana počmingja te sikljol te šunel e Džango ov siklilo sako oleskoro solo bašavib adži ko agorutni detali , emitacijaja sa oleskere variante thaj odova sikavel kaj si but lačho fakti te dikhel pe olengoro koncerti.

Trijal o Romano swing ko trendi si thaj o flamenko pa odoleske an o Gitar art festival reslja te anel jekhe taro majšikar an o akava stili o pendžardo flamenko gitaristi o Vinsente Amigo so ikergja piro koncerti an o 12 mart ki odoja hala. An i piri kariera o Amigo duj droma bašavgja an o Beograd thaj palem iranel pe palo 10 berša te presentirinel pire numere taro o albumi “Memoria de los sentidos”. An o akava albumi akava artisto iranel pe an o tradicionalno darhie taro flamenko thaj dela respekto aso piro profesori thaj amal o Paco de Lusia numeraja Rekviem.

FaLang translation system by Faboba

Mangava te vakerav

Momentalno Online

       Isi 35 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali