Sport

O rupukano šampioni ko boks tari Olimpiada an o Los Andželes 1984 berš - bisterdo šampioni - Redžep Redžepovski taro Kumanovo

An i piri barvali boksersko kariera, o Redžepovski enja berša sine an i reprezentacia e teganutne Jugoslaviake thaj pandž berš šampioni an i them so dživdinen sine 20 milionia manuša.

Piro sukceso thaj resiba olimpisko, mediteransko, balkansko, nacionalno thaj but aver medalje, kerel sine pire but šiukar trenerea Bruno Hrastinski so sine treneri an i boksersko reprezentacia, thaj e bare manginake sp sine le te ovel sukcesialo bokseri trujal pire phare treningia so sine po šov saatoa ko dive anglal o bare mečia.

Mukhlo korkoro thaj bizi buti pobuter taro deš berša pire šov dženegere familiaja dživdinel sine taro socialno suporto taro 50 eura, a palo 2010 berš reslja themutni penzija beašo resle sukcesia an o sporti.

O Redžep Redžepovski is le bari mangin te ovel palem an o boksi thaj sar treneri te del suporto eb ternenge te kerel progresi. Numa sar so ov vakerela na šartia bukjake.

- Mangljum te ovav treneri , numa na arakhljum suporto. Trujal so ko BK Kumanovo isi nekobor entuziastia so čače kamen o boksi , olen na sine len takati te keren majšukar šartia bukjake thaj te iranen o klubi ko purane pozicie.

Citește mai departe...

O Tajson Fjuri e Kličkoja ko revanši an o 29 oktomvri, vakerel e lumiakoro šampioni

O 27 beršengoro Tajson Fjuri so lelja o šampionsko titule an o verzie VBO,VBA thaj IBF taro 40 beršengoro Ukrainco an o noemvri 2015 berpš numa na sine o revanši ko juli masek sebepi o ratvarina an o kgluždo.

O Fjuri ko plo Twitter hramosargja: Dešušov kurke palem ka demolirinav e Kličko, adžikareva o #mančesteroktomvri 29". . O meči ka ovel an i Mančester Arena.

Citește mai departe...

O Emil Abaz kergja transferi an o Dinamo Zagreb

O hrvatsko fudbalsko šampioni Dinamo Zagreb , kergja lačho transferi e super talentea o Emil Abaz - Rom tari Belgia , jeripaja taro Skopje.

Ov si standardno reprezentativco an i makedonsko fudbalsko selekcia dži ko 19 berša. Ov dži akana sig sine fudbaleri an o belgisko Anderleht ki juniorsko kategoria.

O 18 beršengoro Emil Abaz reslja an o Maksimir , kote anglutne sine ki proba 10 divesa trenirinel sine e fudbalerencar taro Dinamo Zagreb.

Citește mai departe...

O meči maškar o Fjuri thaj Kličko palem prolongirime

O šampioni Tajson Fjuri palem prolongiringja o revanš boks meči e Ukraincioa Vladimir Kličko kana panda jekh drom reslja ratvarina.

Fjuri thaj o Kličko trubul sine o boks meči te ovel ko oktomvri kana angleder o revanši sine prolongirime ko masek juli soske o Britanco rtavrgja pli koč kana gelo ko disavo parti.

Citește mai departe...
FaLang translation system by Faboba

Mangava te vakerav

Momentalno Online

       Isi 120 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali