O Tajson Fjuri kamel revanši mujal o Diontej Vajlder thaj insistirinela odova te ovel. Numa o Fjuri nane te ovel holjame te na boksungje soske o avgo drom akana boksungje ov hošinel pe sar moralno viktoririme.

Ola sine len meči persi berš kote o meči agorkergja remi. Sine paše dži ko dujto da meči numa na kergje kontrakto em akana si len aver protivnikia. O Tajson an o juni ka boksujnel e Tom Švarcea, a o Vajlder ko maj e Dominik Brisil. O Fjuri pakjala kaj ak ovel em revanši maškar olende duj dženende.

Ko akana sig jekh intervju vakergja kaj na sine impresionirime taro Vajlder thaj o Džošua thaj ola šaj salde te legaren leskoro bagaži.

"Kana o duj da džene ka boksujnen mancar em ka našaven ka angažirinav olen te keren buti mange. Nane len olende mentalno kapaciteto. Ka rentinav len kana ka hardžinav o love. Ka boksujnav an o 15 juni ko Vegas." vakergja o Tajson Fjuri

O karate si japonsko maribaskoro sporti so istemalkerel sa o kotora taro badani resarinaja te demosntirinel arakhibaskoro mehanizmi. O lafi an o japonski si - čučo vast. Iklilo ko 16 veko an i purani Japonia. Avgo so startujngja te moderinzirinel le thaj te sikavel averen tari generacia ki generacia sine o baro treneri (sensej) OkinavaKo karate si pobuter stilia sar so si o Shotokan, Wado-Ryu(kai), Kenpo, Wado Kai thaj avera.

Akava sporti ko vakti tari Jugoslavia sine but popularno thaj e jugoslaviakere karatistia sine len bare sukcesoa an o internacionalno šampionatia.
Odova vazdingja o nivelo taro standardia ko kvalitetno jugoslovensko karatistia so šaj sine te oven kotor thaj taro themakri reprezentacia.

Odoleske thaj ko akala amare thana akate sine but talentirime thaj ekstra karatistia.
But hari džene džanena kote sine em but sukcesiale em kvalitetno Roma karatistia ko akala thana.

O anav sar so si Veli Amet ko odova periodo sine standardno prvotimco an o Karate klubi Rabotnički thaj sine jekh taro majkvalitetno karatistia an i Makedonia. Šaj te liparel pe thaj o Miljazim Sakip thaj avera so mukhle hor belego an o karate sporti an i Makedonia thaj buvleste. A ola sine Roma.

Numa trubul te notirinel pe jekh buti. Sar jekh taro majkvalitetno thaj majtalentirime taro odova periodi ko 70-to thaj 80-to berša sine o phralja Ibraim Kurtiš thaj o Bratislav Spasić.

Ola sako drom sine ko avgo timi ko tegani ko jekh taro majbare thaj majkvalitetno Karate klubia an i Jugoslavia o KK Rabotnički.

Telal o trenigoa ko teganutno treneri o Vencislav Nedev, baš o Ibraim Kurtiš - Kurta thaj o Bratisalv- Bato Spasić. sine akahrde te len than ko timi ko karate turniria telal o kimono tari reprezentacia tari Jugoslavia taro teganutno karate selektori o Ilija Jorga.

Sine len bare sukcesia thaj sine sukcesiale an o maripa ki piri kategoria thaj an o turniria ko kate. Ola sine nekobor droma themakere šampionia an i Jugoslavija thaj peharia taro Balkansko thaj europakere šampionatia.

Thaj ake palo odokhare berpa nakhle em resle medale, peharia, diplome thaj aver karate titule olende o karate jali hari jali but palem isi akcepcia.

Sar egzamplo o Ibraim Kurtiš - Kurto panda si aktivno treneri ko KK Ulcinj - karate klubi taro Montenegro.