Sport

Tragedia: An i trafikoskiri bibaht mulo jekh taro majpendžarde špansko fudbaleria so si le romane darhie o Hose Antonio Reyes!

O ex fudbaleri taro Real Madrid, Sevilja, Arsenal, Atletiko Madrid našavgja plo dživdipa an i trafikoskiri bibaht pire vordonea.

O ex špansko reprezentativci sone le 35 berša thaj sine mega popularno maškar o fudbalsko fania . Pendžardo si kaj o Reyes sine Rom - Gitanos!

Ov paldel sine pioro vordon an o autodrom A-376, palo odova iklilo taro drom , thaj o meriba sine sebepi so o vordon thabilo.

Ov ko pire 16 berša o Reyes debitiringja baši Sevilja. Bašo 30 milionia eura an i sezona 2003/04 kergja transfer an o Arsenal thaj reslja i titula anglisko šapnioni thaj o FA Cup trofeo.

Irangja pe an i Špania sar pozajmimo fudbaleri ko Real thaj sine jekh taro importantno fudbaleria te resel pe o trofei an i Primera divizia. Palo odova i kariera legargja ole ko Atletiko Madrid thaj ki Benfika , a agorjergja ki Axtramadura so kergja ma te ikljol tari Segunda špansko divizia.

I bibaht uli ki oleskoro binadi diz Utrera an i Andalusia.
 

O Bili Joy Saunders viktoringja e Šefat Isufi thaj reslja lumiakoro šampioni an i super - maškarutni kategoria

Bili Joy Saunders vazdingja o romano bajrako kana lelja e limiakiri titual ki super- maškarutni kategoria ko boksi.

Ov akana si panda jekh ki lungo lista boksersko lumiakere šampionia so si Roma sar so si o Jenri Kuper, Džipsi Džoni Franklin, Tajson Fjuri thaj but avera.

O ex šampioni an i WBO verzia ki maškarutni kategoria si akana ki lista taro duj lende kategoria šampionia ki dominatno stilo sikavibaja bbare performansia sar an i taktika agjaar thaj ki fizičko predispozicia thaj boksersko elegantno ritnmi.

An i lipar e bare atletsko anaveske o Rom Memo Sulejmanov

An o trintodi (3 april) an o 12,30 o saati ka ovel puterdo artikano vizuelno performansi "Memo Sulejmanov - makedonikano ateltsko rekorderi".
Ka oven prezentirime muzejsko eksponatia so formiringje o fondi taro Memo Sulejmanov an o Historikano ofiso e Muzeoske tari Makedonia taro khedime artefaktia taro Fizičko kultura thaj sporti.
O Memo Sulejmanov si biame an o Veles an o 1926 berš.

Trujal so na pendžarenan le buteder buvleste numero sportistia thaj manuša majbut tari i amjterni generacia , o Memo Sulejmanov si fundamento e maratonsko prastajbaske an i Makedonia. Ko berša palo o dujto lumiakoro mariba, o Sulejmanov sine aktivno an o discipline maškarutne thaj lungo atletsko droma. Sar lungodromengoro atletičari sine rekorderi ko sa ajaka discipline taro 3000 m dži ko maratoni.
Ko Nacionalno individualno šampionati an i Jugoslavia so ikergja pe an o 23 thaj 24 avgust 1946 berš , o Memo Sulejmanov reslja ko 2 than rezultatea 2:47. O korkoro plasmano an o akava maratoni sikavela o kvaliteti na salde an i Makedonia numa saste an i teganutni Jugoslavia.

An o 1949 berš tari rig e teganutne avgo sportsko gazetake an i Makedonia "Sportski glas" sine kerdo alusar bašo majšukar sportisto an i Makedonia . An i kerdi anketa maškar o drabarutne , maškar o majđukar 10 sportistia o Memo Sulejmanov reslja an o 7 than.

O Memo Sulejmanov ka ačhol an i memoria sar ateltičari so prastala sine pernango bizo sprinterke . Palo agor oleskere lungo thaj barvali sportsko kariera, ko sa o majimportantno sportsko manifestacie avela sine an i rolja sar fotoreporteri. Savore kamena sine te oven fotografirime baš olestar.

O Memo Sulejmanov sebepi so sine Rom thaj oleskiri kali morthik maškar o sportistia sine popularno teloanavea sar "Afrikanco" , An o internacionalno atlestko mitingo an o Beograd ko stadioni JNA, an o 1949 berš, sine udžardo bare ovaciencar thaj aplauzi tari publika soske ola gndine nb sine kaj atletićari so avilo tari Afrika.
O Memo Sulejmanov mulo an o 1984 berš an o Skopje.

Tajson Fjuri: O Vajlder thaj o Džošua šaj te legaren mange salde mo bagaži

O Tajson Fjuri kamel revanši mujal o Diontej Vajlder thaj insistirinela odova te ovel. Numa o Fjuri nane te ovel holjame te na boksungje soske o avgo drom akana boksungje ov hošinel pe sar moralno viktoririme.

Ola sine len meči persi berš kote o meči agorkergja remi. Sine paše dži ko dujto da meči numa na kergje kontrakto em akana si len aver protivnikia. O Tajson an o juni ka boksujnel e Tom Švarcea, a o Vajlder ko maj e Dominik Brisil. O Fjuri pakjala kaj ak ovel em revanši maškar olende duj dženende.

Ko akana sig jekh intervju vakergja kaj na sine impresionirime taro Vajlder thaj o Džošua thaj ola šaj salde te legaren leskoro bagaži.

"Kana o duj da džene ka boksujnen mancar em ka našaven ka angažirinav olen te keren buti mange. Nane len olende mentalno kapaciteto. Ka rentinav len kana ka hardžinav o love. Ka boksujnav an o 15 juni ko Vegas." vakergja o Tajson Fjuri

FaLang translation system by Faboba

Mangava te vakerav

TV BTR NACIONAL

Momentalno Online

       Isi 473 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali