O Silvester Stalone nasikergja e Tajson Fjuriseke so irangja le ki memoria em lipar taro filmsko seriali "Rocky" alcentoa ki garderoba sar Apolo Krid ko Las Vegasko nakhlo vikendi.

O Fjuri (30) brilirinel sine uravdo sar Apolo Krid ki leskiri viktoria upral o Tom Švarc ko Las Vegas.

O britanco kergja sa te lošalkerel e Amerikancon em čače reslja odova kana iklilo ko ringo ko šorcia sar amerikansko bajrako em lente sar ko filmi Rocky uravdo em penjuari em šeširi.

Ko čačutno Rocky stili khuvgja ko rongo e giljaja taro James Brown "Amerikansko dživdipa" kote olea sine em tančarke.
O autori em i filmsko čeren pali rolja "Rocky" o Stalone seljaminkergja e romane boksersko thagare ko socialno netvorko thaj oleskiri eksentrično stili ko ringo.

O Stalone vakergja:"Oven saste bašo o šampioni em o filingo taro realno ilustracia o Tajson Fjuri"

" Odova sine čače but šukar te dikhel pe. Odova sine but berša napalal taro 1985 berš , so me gindingjum kaj agorkergja odova periodo, ama akava sine čače but šukare atmosfera"

O ex lumiakoro šampioni ki phari kategoria o Tajson Fjuri panda jekh drom sikavgja kaj si jekh taro majšukare bokseria thaj kaj si baro showman maškar o bokseria

Bašo o Fjuri trubul sine salde duj runde te šaj eliminirinel e Švarc a palo odova te kerel plo show e publikake ko Las Vegas.

O Fjuri ji ringo khuvgja uravdo ko amerikansko flago e giljaja taro James Brown ko stili taro Apolo Crid taro serijali filmia Rocky, a palo meči giljavgja i gili tari grupa Aerosmith.

Taro akava meči o Tajson Fjuri profitiringja zagarantirime 12,5 milionia dolaria, a o Švarc lelja o zagarantirime 1 milionia dolaria.