Sport

O Romano MMA bokseri tari Čehia, havljardo sar šampioni an i apsolutno kategoria ko maripa

An i atletsko hala an o Kladno , Čehiakiri Republika o nakhlo vikendi ikergja pe o XVI-to "Rakj e šampionengiri". Ko vakti taro akava gala show o bokseria maren pe sine ko boksi thaj K1 boksersko tehnika.

O šou sine kerdo avgo dromeske an o Kladno kote o bokseria maren pe sine an o kafezia ko pobuter tehnike.

I rakj kulminiringja ko internacionalno boks meči an i phari kategoria mašakr Aleksandar Čverna tari Čehia thaj o Dalibor Milutinović tari Srbia.

E Čverna si le romano darhinalipa em ov legargja i viktoria ko pobuter taro sasto meči an o avgo rota. Ova lela than trin droma an o mečia kote i viktoria legargja la duj droma.

Tragedia: An i trafikoskiri bibaht mulo jekh taro majpendžarde špansko fudbaleria so si le romane darhie o Hose Antonio Reyes!

O ex fudbaleri taro Real Madrid, Sevilja, Arsenal, Atletiko Madrid našavgja plo dživdipa an i trafikoskiri bibaht pire vordonea.

O ex špansko reprezentativci sone le 35 berša thaj sine mega popularno maškar o fudbalsko fania . Pendžardo si kaj o Reyes sine Rom - Gitanos!

Ov paldel sine pioro vordon an o autodrom A-376, palo odova iklilo taro drom , thaj o meriba sine sebepi so o vordon thabilo.

Ov ko pire 16 berša o Reyes debitiringja baši Sevilja. Bašo 30 milionia eura an i sezona 2003/04 kergja transfer an o Arsenal thaj reslja i titula anglisko šapnioni thaj o FA Cup trofeo.

Irangja pe an i Špania sar pozajmimo fudbaleri ko Real thaj sine jekh taro importantno fudbaleria te resel pe o trofei an i Primera divizia. Palo odova i kariera legargja ole ko Atletiko Madrid thaj ki Benfika , a agorjergja ki Axtramadura so kergja ma te ikljol tari Segunda špansko divizia.

I bibaht uli ki oleskoro binadi diz Utrera an i Andalusia.
 

O Bili Joy Saunders viktoringja e Šefat Isufi thaj reslja lumiakoro šampioni an i super - maškarutni kategoria

Bili Joy Saunders vazdingja o romano bajrako kana lelja e limiakiri titual ki super- maškarutni kategoria ko boksi.

Ov akana si panda jekh ki lungo lista boksersko lumiakere šampionia so si Roma sar so si o Jenri Kuper, Džipsi Džoni Franklin, Tajson Fjuri thaj but avera.

O ex šampioni an i WBO verzia ki maškarutni kategoria si akana ki lista taro duj lende kategoria šampionia ki dominatno stilo sikavibaja bbare performansia sar an i taktika agjaar thaj ki fizičko predispozicia thaj boksersko elegantno ritnmi.

An i lipar e bare atletsko anaveske o Rom Memo Sulejmanov

An o trintodi (3 april) an o 12,30 o saati ka ovel puterdo artikano vizuelno performansi "Memo Sulejmanov - makedonikano ateltsko rekorderi".
Ka oven prezentirime muzejsko eksponatia so formiringje o fondi taro Memo Sulejmanov an o Historikano ofiso e Muzeoske tari Makedonia taro khedime artefaktia taro Fizičko kultura thaj sporti.
O Memo Sulejmanov si biame an o Veles an o 1926 berš.

Trujal so na pendžarenan le buteder buvleste numero sportistia thaj manuša majbut tari i amjterni generacia , o Memo Sulejmanov si fundamento e maratonsko prastajbaske an i Makedonia. Ko berša palo o dujto lumiakoro mariba, o Sulejmanov sine aktivno an o discipline maškarutne thaj lungo atletsko droma. Sar lungodromengoro atletičari sine rekorderi ko sa ajaka discipline taro 3000 m dži ko maratoni.
Ko Nacionalno individualno šampionati an i Jugoslavia so ikergja pe an o 23 thaj 24 avgust 1946 berš , o Memo Sulejmanov reslja ko 2 than rezultatea 2:47. O korkoro plasmano an o akava maratoni sikavela o kvaliteti na salde an i Makedonia numa saste an i teganutni Jugoslavia.

An o 1949 berš tari rig e teganutne avgo sportsko gazetake an i Makedonia "Sportski glas" sine kerdo alusar bašo majšukar sportisto an i Makedonia . An i kerdi anketa maškar o drabarutne , maškar o majđukar 10 sportistia o Memo Sulejmanov reslja an o 7 than.

O Memo Sulejmanov ka ačhol an i memoria sar ateltičari so prastala sine pernango bizo sprinterke . Palo agor oleskere lungo thaj barvali sportsko kariera, ko sa o majimportantno sportsko manifestacie avela sine an i rolja sar fotoreporteri. Savore kamena sine te oven fotografirime baš olestar.

O Memo Sulejmanov sebepi so sine Rom thaj oleskiri kali morthik maškar o sportistia sine popularno teloanavea sar "Afrikanco" , An o internacionalno atlestko mitingo an o Beograd ko stadioni JNA, an o 1949 berš, sine udžardo bare ovaciencar thaj aplauzi tari publika soske ola gndine nb sine kaj atletićari so avilo tari Afrika.
O Memo Sulejmanov mulo an o 1984 berš an o Skopje.

FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali