Sport

I Makedonia ka ovel organizatori e Lumiakere šampionateske ko fudbali bašo naathinalime thema, regionia jali fudbalsko federacie. Than ka lel em i fudbalsko reprezentacia taro Roma!

I Makedonia taro 30 maj dži ko 7 juni 2020 berš ka ovel organizatori e Lumiakere šampionateske ko fudbali. Ki akaja informacia so dikhel pe sar jekh interesno informacia valjani te drabarel pe dži ko agor. O odova si kaj ko akava šampionati ka len than thema so nane verifikujme an o UN , FIFA jali UEFA, jali si ekstra regionoa. Odova nane nisavi konekcia e FFM-ea, em e themaja.

O mešia ka khele pe ki Arena “Todor Proevski” so si sar komercialno stadioni em šaj te rentinen le ko mangela.

I KONIFA jali Konfederacia taro biathinale fudbalsko asociacie. Ofiso kaj si membria akala reprezentacie. Odoleske si kontraverzno akava šampionati. Khelel pe ko sako duj berša, a o agorutno šampioni si I reprezentacia tari Karpatia, regioni ki Ukraina so ko finale margja e selekcia taro North Kipar.

Ko akala Lumiakere šampionatia – Mundialia thaj ka len o selekcie taro Krim, Abhazia, South osetia, I selekcia taro Roma, Kurdistan, Tibet, Kwebeck, Zanzibar, Paščimali Ermenia, Čemeria, Padania, Somalilend, Paščimali Sahara, Mapuče, Transkarpatia, Darfur, Matabelileland, Kabilia em Kaskadija.

Čehiakoro kikbokseri Rom reslja somnakaeskoro medali ko Saraevo

O Rom Vakslav Sivak reslja somanakeskoro medali an o seniorsko lumiakoro šampionati ko kikboks , o Vasklav Sivak so ikergja pe nakhlo vikendi ko Saraevo , Bosna thaj Hercegovina kote margja e kikboksere taro Kazahstan ko finale te šaj te ovel avgo lumiakoro šampioni ko kikboks tari Čehia.
O šampionati sine organizirime tari bari lumiakiri asociacia ko kik boks I organizacia WAKO.

Odoja internacionalno organizacia ko kikboks si la sertifikato bašo mečia ko amatersko kikboksi. Oleskoro ofiso legarel akava sporto ko amatersko nivelo.

„Kerdo si historia! Ko 25 oktobro 2019 e čehiakoro kikbokseri khuvgja ko analia akale sportoske”, havljarel pe ki oficialno web rig tari Čehiakiri Unia bašo kontaktem sportikano borbe, havljardo si ki web rig.

Ko momneti o Sivik si šampioni ki kategoria К-1 muršenge ki kategoria dži ko 67 kg thaj majhari. Persi berš pv reslja somankaeskiri medalja ko juniorsko šampionati ko WAKO asociacia ko Skopje, Makedonia ki kategoria К-1 muršenge kategoriaja 63,5 kg jali pohari.

Link: http://www.romea.cz/en/news/world/czech-kickboxer-of-romani-origin-wins-gold-in-sarajevo?fbclid=IwAR290o5a9D_Xt9EMZFQyZiSWKMe_UtruQH2KL8k0L8aEIBe4-giWbu9Ij9M#.XbgFXlpZXqM.facebook

Emir Ibraim startujngja viktoriaja ko Lumiakoro šampionati ko kik boksi

O Emir Ibraim reslja đži ki avgo viktoria e Makedoniake ko Lumiakoro seniorsko šampionati ko Saraevo ki Bosna thaj Hercegovina, kana margja e Ruci Lučijano taro Grcia 3-0.

O Emir ko sasto meči sine pošukar ko sa o trin runde, primal o informacie.
O Ibraim ko ¼ finale ka marel pe e rusko reprezentativcoa o Boris Shikunov a te viktoriringja oleja da ka resel than ko jekvashfinale em majhari bronzeno medalja.

O Daniel Mitrov reslja sar rivali ko ¼ finale o Maksim Kazaku tari Moldavia . Ko jekh sar rivali havgja em o Robert Kostovski so ka marel pe mujal o Soni Dagread tari Belgia ko ¼ finalno mechi.
O aver representoa ka maren pe tajsa.

Amalikano hokej meči čhinavdo , kana o tifozia rasno dikriminiringje jekhe hokeare Rome , a oleskiri ekipa sar protesto na manglja te thavdel e mečea majodoriga!

Ko paraštuj sar anglosezonsko meči maškar duj čehiakere ekipe,Prostajov thaj Vitkovice , na dodžakergja o agor e mečeske soske o tifozia taro Prostajov rasno diskriminiringje e hokeare so dengja lenge gol, o Dominik Lakatoš , sar dengja o gol bašo Vitkovice , em sar nišani taro revolti iklilo taro teren.

O hokej klubi "Prostajov" vakerel kaj o Lakatoš "provociringje e publika" palo dendo goli.

"Khelela pe sine i 59:03 minuta taro meči, kana o Dominik Lakatoš bičhavgja o pak ko goli e kherutne ekipake a palo odova sine diskriminirime tari publika rasisitikane lafencar. O gostinsko timi iklilo taro teren sar nišani ko protesti " vakerel ki pli informacia o klubi Vitkovice ko plo web sajto.

„O amalikano meči maškar Prosjatov em Vitkovice na sine kheldo dži ko agor" vakeren taro Vitkovice . Kana o Lakatoš dengja o goli , ulo incidenti ki publika em sakndiriba rasisitiken motivea "Cigan, cigan" a o Lakatoš si Rom.

Link: http://www.romea.cz/en/news/czech/czech-ice-hockey-friendly-goes-uncompleted-after-fans-racially-abuse-romani-player-and-his-team-stops-play-in-protest

FaLang translation system by Faboba

Mangava te vakerav

Momentalno Online

       Isi 90 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali