Sar te kinel pe tiketo e mečeske Mančester - Real an o Skopje. O Real ka ovel akomodime ko hoteli Aleksandar Palas, a o Mančester J. an o hotelo TCC Grand Plaza
O tiketia e Superkupeske tari UEFA so ka khelel pe an o Skopje ko 8 avgusto ka šaj te kinen pe salde prekal oficialno internet sjti tari UEFA so udžarel pe ko divesa so avena te den pe dopherde informacie so si konektirime e proceduraja bikiniba.
I aplikacia prekal o Internet trubul te ovel an o periodo maškar 13 juni thaj 4 kuli, dži kote okola so ka resen dži ko tiketo ka oven notirime prekal lotaria, soske udžarel pe baro intereso te dikhel pe akava dueli maškar o europakoro šampioni o Real Madrid thaj o timi so lelja Liga Europa o Mančester Junajted. O intereso an i Makedonia si but baro soske isi pherdo pučiba so si konektirime e tiketencar so ka oven moldipaja taro 15 dži ko 40 eura aso džiakanutne informacie.