O hrvatsko fudbalsko šampioni Dinamo Zagreb , kergja lačho transferi e super talentea o Emil Abaz - Rom tari Belgia , jeripaja taro Skopje.
Ov si standardno reprezentativco an i makedonsko fudbalsko selekcia dži ko 19 berša. Ov dži akana sig sine fudbaleri an o belgisko Anderleht ki juniorsko kategoria.
O 18 beršengoro Emil Abaz reslja an o Maksimir , kote anglutne sine ki proba 10 divesa trenirinel sine e fudbalerencar taro Dinamo Zagreb.
O šampioni Tajson Fjuri palem prolongiringja o revanš boks meči e Ukraincioa Vladimir Kličko kana panda jekh drom reslja ratvarina.
Fjuri thaj o Kličko trubul sine o boks meči te ovel ko oktomvri kana angleder o revanši sine prolongirime ko masek juli soske o Britanco rtavrgja pli koč kana gelo ko disavo parti.
O Ex bokseri Osvald Maršal del suporto e Romenge thaj ternenge an o sporti thaj motivirinel len te educirinen pe.
O Osvald tergjol uzal o konopia kote bare samaja dikhel ple siklen " Ma ikav to šero but" del propozalo e terne bokserenge ko vakti taro treningo.
O Osvald Maršal si le muskulia. O sugestie dela len pohari. Na mangel te diktirinel. O terne bokseria šunena le bare samaja soske džanen kaske kerel pe lafi. Trujal so sine leske majphareste ko 70-to berša ki odoja konkurenciua kana sakoneste viktoririnel sine. Osvald Maršal si Sinto.
O romano fudbalsko klubi Veterncia phergja 90 berša taro aktivno kheliba mečia ko lokalno thaj regionalno fidbalsko lige.
Ov si majpurano romano fudbalsko klubi an o Balkani. O fudabli an o Leskovac maškar o Roma an i akaja diz stratujngja te khelel pe maškar o duj Lumiakere mariba , a olengoro avgo oficialno meči si kheldo ko 26 juli 1926 berš aso o informacie taro kurkeskiri gazeta "Leskovački dnevnik".
|
Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека |
6-to Romano Čhavorikanoo muzikakoro festivali
„Čhavorikano Suno 2022“ – SP BTR
6-ти Ромски Детски музички фестивал
„Детски Сон 2022„ – СП БТР
6th Romani Children's Music Festival
"Children's Dream 2022" - SP BTR
Isi 174 misafirija so dikhena o ROMATIMES.NEWS
Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali
