Sport

Veli Mumin: Agjaar li i them mangel ple bare sportisten?

O Mumin reslja apartmani taro 40m2 tari them . Numa o apartmani trujal so sine sar ruina, akana o objekti tari them si borčlia bašo komunalie, angleder duj kurkesa ačhile bizi elektrika. O boksersko šampioni Veli Mumin barabutne pe romnjaja i Menka thaj o čhave o Maksimilijan (4) thaj o Kristofer (3) nakhaven i Patradi - Velidani ko karanluko, soske o apartmani so dengja len i them nane le elektrikani energia, thaj duj kurke i them si kašuki ko olengoro rodaripa.

Citește mai departe...

Tajson Fjuri: Na sium rasisti

E lumiakoro šampioni an o boksi ki phari kategoria Tajson Fjuri, jertisargja pe bašo oleskere anisemistikane thaj rasistikane notirime lafia. Angleder desave divesa ov šubikergja e Jaudien bašo antilumiakoro aktiviteti, kote šaj lokheste našavel pli boksersko licenca.

-Vakergjum nesave bukja so šaj te dukhaven desave manušen. Sar hristijani nikana na sine man mangin te kerav odova, Jertisarav man bašo sa o manuša so arakhle pe ko akala vakerina. Džanav kote udžarel pe mandar pobut sar ambasadori e britansko bokseske. Dava lafi an o auvutnipa ka ikerav kobor šaj majučo standardi. Sako ko džanela man džanel kaj me na sium rasisti. Pakjav kaj o sasoitnipa ka lel obligacia akaja mli vakerin.

 

Tajson Fjuri: Me sium Rom thaj odova ka ačhovav

O lumiakoro šampioni an o boksi ki verzia WBA thaj WBO an i phari kategoria, Tajson Fjuri, planirinela te džal te dživdinel an o Los Andželes pe familiaja, kana ka agorkerel o revanš meči e Vladimir Kličkoja. O Fjuri vakerela kote nane le o tretmani thaj respekti ki Britania. " Na mangen man akate but soske sium Rom. Me taro sako drom sium sine Rom thaj odova ka ačhovav. Nane te irnav man javer čhane. Sako drom ka ovav thulo thaj parno.

Citește mai departe...
FaLang translation system by Faboba

Mangava te vakerav

Momentalno Online

       Isi 120 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali