O boksersko lumiakoro šampioniu ki phari kategoria, Tajson Fjuri, ko 9 juli ka arakhel i titula mujal o Vladimir Kličko. Ki vaktavin akale mečeske o Fjuri anglal o žurnalistia vakergja e Kličkoske kana margja le ko noemvri em lelja i titula, valjani te ladžal soske i titula lelja lestar jekh "thulo bokseri".

Ko odova o Kličko irangja akošibaja, a o Fjuri irangja leske: " O Vlad akošlja! O pendžardo bokseri?!. Tu sian šampioni džukljane khulenge. Nikana na margja pe mujal riivali so šaj marel ole. Našti ikljove taro ringo hovavibaja. Kana si fer ov našti marel. Te ladža, margja tut thulo manuš. Me na dživdinav thaj sprotsko dživdipa. Ladžavo si te anavkere man sportisti.  

O Tajson Fjuri - "O Romano thagar" thavdel te provocirinel e neve šampione tari Internacionalno boksersko federacia an i phari kategoria, Entoni Džošua. O duj da džene na čhinavgje te den zorale replike taro starti e beršeske.

"Me sium o šampioni. Numero jekh sium an i akaja kategoria. Leljum sa o šampionsko phustika an o ringo. Margje man li ko ringo baši titula e Internacionalno boksersko federaciatar?. me panda sium šampioni an i akaja organizacia, bizi diferenca so hramosarel an o lil" vakergja o Fjuri bašo "Sky sports".