O lungo udžardo revanš meči bašo lumiakoro šampioni ki phari kategoria maškar o Tajson Fjuri thaj o ukrainco Vladimir Kličko so notirime bašo 9 juli an o Mančester, akcentiringja o kako taro britansko bokseri thaj rom. O Piter Fjuri ko plo twiteri hramosargja kaj o meči so notirime thaj dopherdo ka oven vakerde havljarde thaj oficialno informacia. O Tajson Fjuri persi noemvri ko Dizeldorf margja e Vladimir Kličko jekhhangutne deciziaja taro arbitria lelja i šampionsko titula ko verzie WBA, WBO thaj IBF.

I fudbalsko reprezentacia tari Makedonia dži ko 19 berša ko pervazia e hazrkleribaske oficialno mečia an o Skopje, khelgja duj kontrolno mečoa e Finsko reprepzentaciaja. Ko timi an i makedonikani reprezentacia dži ko 19 berša sine thaj o supertalenti taro fudbaleri o Rom Emil Abaz kote khelel bašo belgisko Anderleht.

Palo našavdo avgo meči e finconcar taro 3-2, ko eratutno meči i Makedonia khelgja remi 2-2.