Učipaskere eksperimentia
Baši kontrola kobor šaj o manuš te ikerel ko esktremno učipa thaj si li šajdutne manuš te rupinel taro učipa taro 12 km thaj te ačhol dživdo. Odova eksperimenti kerel le sine D-r Sigmund Rašer, doktoro an o logori Dahau. E logorašen istemalkerel sine len sar "eksperimentalno materiali". Ko eksperimenti lelja 200 manušen. Olendar mule odothe 80 , a o aver sine mudarde palo eksperimenti...
Eksperimenti bliznakoncar
O Josef Mengela manglja te džanel sar šaj te oven biande bliznakia. Oleskiri resarin sine sar te kerel majbut manušen tari arievsko rat. Ov o rodaripa kergja le ko Aušvic paše ko 100 paria taro bliznakia.
E Mengeleskoro eksperimenti ačhile dživde 200 manuša. Okolenge so sine kerdo o eksperimenti , a palo odova ni trubul sine leske, ov direktno ko ilo injektirinel lenge sine hloroformi.
O eksperimentia ko bliznakia kerel sine odolea so trampinel sine olengoro rat thaj e jakhakere kokala. Kana meren sine o bliznakia ov kerel lenge sine thaj obdukcie.
Tuberkoloza
Kana sine o maripa buteder taro askeria sine nasvale tari Tuberkoloza. Odoleske o doktor Kurt Hajsmaer mangel sine te džanel dali desave manuša si naturno imuno an i tuberkoloza. Ov akale eksperimenteske direktno ko plukja injektirinel lenge sine bakterie tari tuberkoloza.
Ko logoro Neungamen kergja meriba majhari 200 manušenge kana kerel sine o eksperimentia.
Havljargja kaj i tuberkoloza nane infektivno nasvalipa numa astarel salde but hari imunitetno rganen. Odola eksperimentia kerel sine thaj bašo tifus, malaria thaj streptokoka.
Eksperimento e Fozgan plinea
O nacistikane doktoria ko majhari 52 logorašia mangipaja kergje lenge toksikacia e fozgen plinea kote an o vakti taro Dujto lumiakoro maripa sine sar šastra. I mangin sine te arakhel mujaltoksiko , numa odova sine bizo sukcesi soske buteder taro vakti e eksperimentea mule.
Transplatacia e organenge taro manuša
O nacistikane doktoria praktikane kontrolirinen sine šaj li kotora taro manušate šaj te čhiven pe javerende. Ko odola bilačhe eksperimentia kana ka amputirinen sine taro desavo logoraši o vas jali o pro, tegani keren sine transplatacia ko javer manuš, so anglune čhinge olestar vast jali pro. Ni jekh eksperimenti na sine sukcesialo. Pobuter taro logorašia mule , jali sine saste dživdipaske invalidia thaj sine len bare dukha.
In Vitro thaj sterilizacia
Odoja idea sine taro Hajnrih Himler, a o doktoria istemalkergje buteder metodologie. O doktor Katl Kaluberg an o Aušvic in vitro kergja upral 300 džuvlja, so an o eksperimento ki fizičko thaj psihičko tortura. Ov vakerel sine kote čhivgja olenge laboratorisko sperma taro džanvaria thaj ola akana ko vogji legarena monstrumia.
Ko jekh kergja sterilizacia upreder milja romane thaj jaudinegere džuvlenge. Ko olengere polovo organia injektirinel sine materie so kerena sine te našti ačhon dovogjende a ko jekh sine len thaj bare dukha. E muršenge thaj olengere testisenge kerel sine radiološko rentgeni.
Eksperimenti londale panjea
O Doktor Hans Epinger mangel sine o morsko pani te šaj pien o manuša. E eksperimentirime logorašenge na den sine hajbe thaj pani te šaj dikhel kobor šaj ola te dživdinen bizo odova. Sebepi phari forma tari dehidracia ola meren sine palo 8 dži ko 12 divesa. O viktimia agorutne anglal meribaskoro momenti ližinen sine o suslo sapano dušami - patoso te šaj hari jekh kapka pani te len.
Sar te sasljaren ratvarina thaj ćhinaven o ratvariba
O ratvariba thaj sasljariba o ratvarina sine instersno maškar o nacistikane doktoria. Mangen sine te arakhen forma sar šaj te sasljaren e ratavrde askere bizo komplikacie so anena sine dži ko meripa, thaj sar šaj te čhinaven o ratvariba. E logorašenge phajaren sine šastraja keren sine lenge ratvarina jali amputirinen lenge sine vast jali pro., em o doktoria keren sine aksperimentia. Ola keren sine thaj infekcie so maglutne čhiven sine ko ratarde thana prašina jali tikne marde srče.
Link: http://www.24sata.hr/news/zastrasujuci-nacisticki-pokusi-temelji-su-moderne-medicine-418821
