I Elena 47 beršengiri socialno bukjarni sine sterilizirime kontra olakoro mangipa. Oj si jekh taro 4 Romane džuvlja tari Čehia so si viktimi tari namangipaskiri sterilizacia thaj notirinel piri storia an o teatarsko performanso anavkerdo sar " Storie si nikana na startujngje"
I sistemsko sterilizacia e Romane džuvlenge bizo olengoro džanlipa sine themakiri politika tari Ex Čehoslovakia ko vakti taro komunizmo . Sine čhinavdi an o 1993 berš aso Europakoro centro bašo niamia e Romengem numa odoja politika geli majodorig thaj an o 90-to berša sa dži ko 2000 berš , a o agorutno pendžardo egzamplo kergja pe an o 2007 berš.
Buteder taro 10 berša i Elena si aktivno asn i grupa Romane džuvlja so notirinen akava problemo thaj plasirinen le sar politkano plano. Ola sukcesiale keren maripa mujal zorti sterilizacia an i Čehia. Roden finansiko kompenzacia okoleske so kergje. Numa ola notirinena kaj na kerel pe buti salde e lovenge numa te oficijalizirinel pe i doš so kergje upral o Romane džuvlja.
An o 2009 berš e čehiakoro govermento sikavgja mazunipa bašo akala kerde aktia tari nalegalno sterilizacia. Numa ko agorutno berš na manglja te kerel kompenzacia e viktimenge. Tegani i Elene thaj o aver aktivistia angje decizia te arakhen nevi forma te iranen i sama. Rezultati odoleske si akava teatarsko performanso te šaj resel dži savorende.
Buteder taro viktimia sine sterilizirime na salde so našavgje o bianipa numa našavgje romen sar partenira. Ola kana havgje baši kerdi sterilizacia, ko majbaro aktia ola mukhlepire romnjen. O džuvlja resle te organizirinen thaj protestia em demonstracie anglal o hospitalia an i Ostrava thaj kergje buteder mitingoa e terne Romane džuvlencar thaj olengere niamenge keren sine diskusie
O aktivistia notirinena kaj o numero sterilizirime džuvlja si nekobor šelengere.
Trujal o Romane džuvlja akate gejnen pe thaj džuvlja so si len anomalie thaj džuvlja taro majteluno sasoitnipaskoro nivelo.
