O nevo italiakoro govermento planirinel te kerel gejnibaskiri statistikani operacia e Romengean i Italia te šaj dikhel pe kobor isi Roma so si legalno an i Italia, vakergja o ministeri andrubne bukjenge o Mateo salvini thaj angja decizia kote " bibahtake e italiakere Romen, našti te palden".
O Salvini si lideri o nacionalistikaner Ligake akcentiribaja baši televizia Lombardia kaj oleskoro ministeriumi dikhela o "romano pučiba" thaj mangelte dikhel "kobor" Roma isi an i Italia. Oleskiri notacia kergja bare kritike tari demokratikani partia soske akaja notacia si sar "etnikani eliminacia" havljaren o mediumia.
Ov palo odova reagiringja vaktavinaja kaj e Govermento nane le mangipa te kerel ekstra argiva e Romenge jali te len identifikacia taro naja e Romenge , numa te dikhen kobor romane čhave na džana an i škola sebepi so olengere jeria na mukhen len te džan.
Ko jekh notiringja kaj kamel te džanel sar den pe o love tari EU so del pe sar suporto e marginalizirime jekhinenge.
O salvini persi kurko kergja bari galama an i Europa, ko momenti kana na mukhlja brodi 600 afrikansko migrantencar te khuvel ki jekh italiansko pristanište.
