O Ištvan Farkaš si srpsko tehmutno - Rom taro Novi Sad , kote taro o nilaj 2013 berš si an i Germania thaj sikavel argumentia anglal o Germancia soske gelo peske tari Srbia.
Oleske sar majbaro problemo si sar te sikavel e germanconge kote ola e Srbia dikhen sar "Them taro siguritetno karakteri", trujal so ov kamel te notirinel, kaj o siguritetnop dživdipa pherdo romenge tari Srbia, decenicar napala si telepravdo.
Ov si biamo 1962 berš an o Sombor, tari normalno familia, pukar siklo thaj tari diploma taro pedagoško fakulteti hulavgja le salde jekh kolokvium. Ko odova vakti muli oleskiri daj thaj o kher pelo, a ov ačhilo bizo kher. Našti sine te arakhel normalno buti. Trujal so sine le diploma sar žurnalisto, oleske sar Rom na sine than an o medie.
Alo ko Novi Sad mangipaja kaj ka arakhel buti, numa ačhilo ko droma, thaj sovel sine telal phurta, droma thaj aver.
Dikhindo kaj nane nisavi perspektiva an i Srbia, trujal so agorkergja kursia, seminaria, thaj aver diplome sar edukatori, žurnalisti, aktivisti, ov plo dživdipa nakhavgja rodibaja hajbe ko kontejneria.
Dikhindo odova akana si an i Germania kote rodel statusi sar azilanti.
Ov e Germansko administraciaja kerel zori te sikavel kaj o Roma tari Srbia thaj Balkani na aven an i Germania taro šukaripe, numa taro baro zori. Pobut akale storiake drabaren ko akava linko:
