Paše 400 Roma so dživdinen ko nahigiensko kvarti thaj mahale trujal trenoskiri pruga an utaralo kvarto an o Parizi sp paldime si persi kurko.
O padiba sine kerdo upral andi adalateskoro akto pali dendi decizia tari Franciakoro treno transporto so si an o ploipa tari i kompania i phuv kote bešen o Roma.
I poarsiko policia gejngja 135 asavke lokhe kerde objektia so si kerde taro bilačho materiali kote so dživdinen sine o Roma ko but bilačhe šartia, kote improvizirime takjaripaja kote avel sine riziko taro bare jaga.
Javinakere saatenge o manuša lele ple bukja khuvgje ko autobusi transportoea dži o centria kote so ka oven thanjarde.
Ko odola thana- mahale pohari taro jekvaš manuša ačhile thaj jekvaš gele persi kurko sebepi so sine vakerdo kaj ka paldenn olen.
Prekal jekh raporto pobut taro 11.000 Roma sine zorea ikavde taro nahigiensko mahale an i Francia ko thavdipa taro 2015 berš.
I organizacia Amnetsi Intrejnešnal akharel e dizutnengere legaripa te arakhen sasto faisali akale manušenge.
Pobut an o linko : http://beta.rs/vesti/drustvo-hronika-svet/24345-iseljeni-romi-u-predgradju-pariza
