Taro dive ko dive sa pobut bajrol o numero taro kosovakere dizutne so džana peske taro ple khera. Trujal o Albancia an o thema taro Paščimali Europa ko agorutno periodi džana peske thaj baro numero Roma. Efta Romane familie tari Gračanica kele peske tari pli diz, havljarel i RTV Kim.
O Albancia thaj o Roma taro Kosovo so džana an i Europa dromaren prekal i Srbia. O avtobuzsia sako dive si pherde. Baro numero taro dizutne so ikljon tari pli them daravel thaj e tehmakere institucie an i Priština.
Ki eratutni bešin taro Parlamenti an o Kosov andi si decizia te šaj te čhinavgjovel i ilegalno kmigracia. Akaja decizia havel te kerel pe ekstra fondi thaj ekonomikane aktia te šaj o manuša ačhon an o Kosovo.
O Gazmen Salijević maškar o aver esapinel kaj o stopiriba migracia e dizutnege našti čhinavel pe te angja pe desavo kanoni numa valjani lungovakteskere angažmania te šaj o dizutne te ovel olen normalno dživdipa.
" Ova premal mande valjani te ovel integracia thaj buti. Tumen avdive našti dikhena ni jekh Rom an i nesavi funkcia so ka kerel buti an o interes e Romane jekhinake. Tikno numero Roma si ko desave ministeriumia, konkertno an o ministeriumi baši integracia thaj e jekhinake nane ni jekh Rom a odova premal mande si but bibahtake"
Linko : http://www.radiokim.net/vesti/drustvo/kosovo-napustaju-i-romi.html
