Nekobor sikle taro 5-to klasi an i FŠ.Ivan Goran Kovačić tari Subotica mangen tew keren peticia te šaj frdena tari olakiri škola jekhe phare nasvale romane čhaja i Gala Savić.
Grupa čhija prekal barabutni viber kerdi grupa mangen i Gala so si nasvali tari bulozno epodermatologia, mortikhakiri phari nasvarin, te frden la tari škola soske na mangen te ovel ko lengoro pašipa.
" Majdaravutne odolestar si so dži akana ni jekh olendar na sine len nisavo motivo te keren čhingar me čhijaja. Mi čhaj nane konfliktno thaj aver, numa si nasvali thaj na mangen te dikhen la zavoencar so si phanli thaj i krema so makhel pe" vakerel e Galakiri daj.
Oj si nasvali sar so bijandili oj odova korkoro džanela , siklili deka dikhen la bangeste, komentirinen numa akava si olake akana sar šok. Oj si super sikli numa sako džajbe ki škola olake akana si sar trauma thaj depresivno momenti.
Oj si nasvali taro nasvalipa so si pendžardo maškar o manuša sar " čhave peperuge" kote i morthik iklol pestar thaj majbare astaribaja isi ratvarin thaj dukhala la. Trujal o dukha oj si super sikli isi la diplome thaj phursako taro matematikakere konkursia.
Sa akava počmingja anglal 6 masekoja kana rodingjum ma te legaren e čhaven taro kabineti ko kabineti numa te oven salde ko jekh kabineti, soske oj našti but phirela. Numa i škola na kergja reakcia nisavi akale momenteske. Sar so vakerena i Gala nane ladžavo te ovel nasvalo numa ladžavo si so keren lake lake akava ki škola.
Link : http://www.novosti.rs/vesti/srbija.73.html:593247-Tesko-bolesnu-drugaricu-zele-da-izbace-iz-skole
