Ko istemalkeriba a no romano kulturakere tradicie thaj poezia, prekal o gilja thaj poezia si jekh taro simbolia so majbut istemalkerel pe i forma Devel - Del.
O Roma pakajana an o devlipa thaj anavkeren le sar Del jali Devel so athinel taro dijalekto.
O poimo Devel liparel pe ki oralno romani tradicia , ko lirsko gilja kote o Rom rodel e Devle ko sa dživdipaskere situacie, te vakera sar egzamplo kana si ki bibaht jali čorolipa kana našavela thaj udžarela baht thaj lačhipa pe familiake , a majbut pe čhavenge.
O devel si jekh forma sar jeri jali paše amalaso šaj te del suporto e nasvalenge. O lirsko subjekto Devel rodela baht , sastipa pe čhavenge soske o Devel legarela e romane familia ko dživdipa thaj jekhutne so šaj anela i baht.
Ov ko sa o segmentia havljarel pe sar manuš so del suporto, rpotektorati, thaj aver.
Ko efektivno havljaripa kana isi bibaht e romane džuvljake , sar familiarno manuš so parvarela , phari bukjaja thaj nane la aver suporto mukhli korkoro thaj e Devlea ov šaj anel lačhipa.
O pašipa e Devlea majšukar šaj te dikhel pe ko legende kote but droma pulčen e Devle bašo decizia thaj suporto. Ko jekh o Devel liparel pe ko romane muja thaj lirsko aktia kana džala pe sar gurbeto thaj rodel suporto taro devel.
O moldipa e lirsko aktenge ko pašipa thaj komoditeti si notirime o rom premal o devel. Čorole, socialno thaj ekonomski peravde kategoria so rodena protektiva thaj suporto olestar.
