O dživdipa thaj o meripa taro Perhan

Ko salde 18 berša ulo jekh taro majbare čerenka ki teganutni jugoslovensko kinematografia, numa bibahtake palo odova našavdilo ko tunjariko. Ko avdisutne divesa an o 1999 berš o Davor Dujmović, korkoromudargjape humlavipaja.

Biame si an o Saraevo ki čorolikani familia. Sat tikno kamel sine te bašavel ko piano. E familia na sine la love e instrumenteske numa oleskiri daj pendžarel sine jekhe manušnja tari jekh škola so mukhel le sine ki jekh muzičko škola ko kabineti te džal te bašavel.

Ov pali škola džala sine ko saraevsko kurko Markale kote kerel sine buti pire dadea. Jekh drom kana gelo ko paše pabi te piel jekh soko odothe arakhle pe o Emir Kusturica thaj oleskoro asistenti Čiro Mandić. Akharen le an i audicia kote o Davor sikavgja pe sar idealno manuš te khelel i roljae phraleske o Mirza ko filmo " Moj otac na službenom putu".

Palo o filmi kamel te hramosarel pe an i aktersko akademia , numa taro jekhto drom na khuvgja thaj na džala dujto drom.

„Džanav sine ki šala te vakerav kaj ka avav an i Akademia numa sar profesori. Numa me nikana na sine man an o plani te ovav akteri. Odova mangav sine te kerav sa dži kote i publika na čajlkol mandar jali me te čaljovav taro kamere" vakergja o Dujmović ko jekh intervju.

Na pherde 18 beršencar reslja pli dživdipaskiri rolja, Perhan ko filmi "Dom za vešanje" taro Kusturica. Olea ovel jekh taro majmarkantno likia an i europakiri scena , thaj sine kerdo paralela e Dastin Hofmanea kote si le šanse baši internacionalno kariera.

Numa sar ov alo an i odoja kafana , agjaar ko oleskoro džidipa avel o heroini - droga. Tari mangin odova ulo hronično thaj o dživdipa e Davoreskoro džala majtele.

O mariba astarela le an o Saraevo kotar so džal an o Beograd. Ko odova peridoi sniminela o filmi Andergraund, so akana sig sine havljardo sar majšukar filmi an o Balkani. Palo agor e maribaske džala an i Banja Luka, palo odova an i Slovenia, ki pli kamli, kote khuvel an o alkoholizmi.

„Udžarav i planeta hari te ačhol" džanel sine te vakerel o Davor.

Na dodžargja . Humlavgja pe kana sine le 30 berša ko Novo Mesto. Mangel sine e Stounsi, Sting thaj Bob Marli

 

Link: http://off.net.mk/zhivot-i-zabava/film/zhivotot-i-smrtta-na-perhan

 

Youtube:

 

Pin It
FaLang translation system by Faboba

I WANT TO SAY

Momentalno Online

       We have 149 visitors watching ROMATIMES.NEWS

Golden Wheel - Entry Application Form

o Vakti

 booked.net

Most Popular

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal