O Jugoslovensko thaj srpsko režiseri Emir Kusturica si ratvarde an i trafikoskiri bibaht ko drumo Beograd- Čačak ko 140 kilometroa dur tari srpsko šerutni diz. odova havljarel i srpsko veruia taro švajcariakoro tabloidi "Blick"
Aso o informacie tari gazeta o vordon solea dromarel sine o režiseru iklilo taro drumo. O Kusturica thaj o šoferi sine lenge dendo medicinakiri urgentno arka, palo so o duj džene sine legarde an o hospitali.
O Kusturica si biame an o 24 noemvri 1954 berš an o Saraevo. Ov si pendžarutno lumiakorto režoseri kaste si le pherdo phursakoa. Ov ko jekh si thaj muzičari an o "Orkestari taro so na pien dahani".
O lil tari autobiografia taro Kusturica legarel o anav:" O meriba si nazojrakerdi informacia".
kote ov an i naracia vakerela baši magia e filmeske thaj o apsurdia thaj rizikoa taro ačhojbe an o dživdipa.
Angleder jekh kurko i ekipa tari SP BTR Produkcia thaj i redakcia taro Roma Times an o Beograd kergje jekh eksluzivno intervju e bare režiserea, a kotor taro odova intervju sine editirime an o portalo Roma Times.
