An i Priština - Kosovo an o 25 noemvri ikergja pe internacionalno konferencia "Šajdipa baši inkluzia e Roma taro Paščimalo - Zapadno Balkan". Ko akava dujdivesengoro khidipa kerel pe diskusia bašo Romane niamia ko Paščimalo - Zapaden Balkan,
o mediumia thaj olengiri percepcia prekal o nacionalno minjoritetia ko maripe mujal o rasizmi thaj diskriminacia.
Akava si ko konteksti e Internacionalno diveseske ko maripa mujal o terori upral o džuvlja . Ko starti akale beršeske an i Srbia dži akana viktimia si 34 džuvlja. Odova majbut isi ko ruralno regionia tari Srbia, familiarno terori si garavdi opcia, thaj jekhutne so šaj te roden o SOS telefoni. Prekal o informacie o romane NGO tari Srbia dena arka e romane džuvlenge thaj odothe pobuter taro 90 romane džuvlja si notirimo terori taro piro partneri.
Paše 40% taro romane džuvlja isi len socialno protektiva, a 35% keren buti sezonski. I prandin maškar o čhave si phagjaripa e manušikane niamenge kote o čhien phanen o šajdipa baši edukacia. Odoleske grupa terne taro GRUBB Srbia kergje tikno teatarsko performansi anavea " Kana o OJA si NA", kaskiri premiera si notirime bašo dekemvri
