I Soroca si diz tari Moldavia, o Roma tari akaja them sikaven anglal i lumia kote si olengiri šerutni diz, a i arhitektura čače si interesantno. O dizutne an i Soroca si len olengoro thagar thaj bizarno khera.
I diz Soroca uli turistikani atrakcia an i lumia , sebepi o bizariteto , kič thaj megalomansko arhitektura so si inspiririmi taro aver lumiakere arhitekture sar so si i bazilika SV. Petar jali o ofiso e amerikansko Kongresoske Kapitol Hil.
Numa odola objektia nane kompaniakere, numa si sa familiarno apartmania - kherakote e gazden sine len pobut love frdibaske. E dizjak Soroca si la thaj plo thagar. Oleskoro anava si Artur "Baron" Cerari, thaj si ko lokalno legaripa. Ov si ko jekh thaj an o ofisoe e prezidenteske tari Moldavia, so kerel buti bašo romane pučiba.
O thagar Artur bašavel ko pobuter instrumentia thaj kerela lafi ko ofto čhibja.
Trujal anglune buvljarel pe i fama baši titula "thagar" maškar o Roma sar tradicia , numa o Cerari si le pli definicia thaj havljargja pe sar thagar soske si oficialno membro e Romenge tari Moldavia thaj kotor tari Romania. Te šučlen tumen kotar odokhare love te keren asavke khera, ola ka vakeren kaj o love si bičahvde tari olengiri paše familia so keren buti avrial tari Moldavia thaj fakti si kote keribaja asavke bare khera si olenge dživdipaskoro baripa thaj prioriteti.
