Startujnel o hramovipa e čhavenge an o avgo klasi ki fundavno škola

Avdive startujngja o hramosariba e čhavenge so ka džan ko avgo klasi ki fundavno škola an o sikljojbaskoro 2016/17 година, ko sa o škole an i Makedonia. O hramosariba ka ovel sako bukjarno dive taro 9 dži ko 14 o saati. Sako škola trubul te hramosarel e čhaven taro plo reoni kote kerela buti.

Dokumentacia so trubul te ovel len si lil bianibaskoro, lil bašo kerde vakcinacie e čhaveske. Majbut informacie šaj te resen taro pedagoško- psihološko ofiso an i škola.

 

O hramosariba ko avgo klasi si kanonikane sakone čhaveske so si le pherdo 6 berš so ka pherel dži ko agor taro kalendarsko 2016 berš. Ko avgo klasi šaj te oven hramosarde thaj okola čhave so 6 berš ka pherel dži ko 31 januari 2017 berš., numa anglutne rodaripa taro jeria thaj reslo pozitivno propozalo taro pedagogo thaj psihologo e školakoro.

Palo rodaripa taro jeria o hramosariba e čhaveske šaj te ovel mukhlo thaj desave aver periodeske, numa jekhutne lilea so si dendo tari desavi satipaskiri organizacia kaj o čhavo nane panda hazri te džal ki škola.

O jeri e čhaveskoro trubul te hramosarel e čhave thaj ov si džovaplimo o čhavo te dđal ki škola thaj an i edukacia sako dive.

 

Pin It
FaLang translation system by Faboba

I WANT TO SAY

Momentalno Online

       We have 120 visitors watching ROMATIMES.NEWS

Golden Wheel - Entry Application Form

o Vakti

 booked.net

Most Popular

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal