Dikhibaja o zori vash majefikasno thaj majbaro angažmano e saste progresoske e dizutnenge an i R.Makedonia konektiribaja thaj o Roma aso i percepcia taro Romano demokratikano Sojuzi - RDS hulavela piro dikhiba akale momentoske.
Džanlipaja so dukhala e Romen majbuter bašo ekonomikano thaj socialno progresi an i R,makedonia sar majteleperavdi kategoria an i them akcentoa olengere bukjarnipaske, o RDICM suportoa thaj koordinacia majbuter romane thaj naRomane NGO thaj asociacie kergje thaj apliciringje jekh Inicijativa - Operativno plano thaj porgrama bukjake e Romenge anavkerdi sar "Start Up Roma" I korkoro inicijativa planirinel sine neve 3000 bukjarne thana e Romenge an i Makedonia.
Aso sa o parametria baši realizacia thaj suporto tari rig e Govermenteske tari RM thaj olakere institucie sar so si MTPS, AVRM thaj avera.
I korkoro inicijativa sine lačhe kerdi thaj bari . Aso o RDS oj tari rog e ministeriumeske bizo resor thaj o Aksel Ahmedovski ko 10 oktomvri akava berš sine dendi an o Govermento ki procedura te dikhel pe thaj akcepcia an o pervazoa e bukjarne ofisonge an o Govermento e RM.
Numa so ulo? Akana sig o Inicijatoria akale operativno programake resle lenge hramosardi informacia sar antvori prekal e mail taro Kabineto bizo Resori kote sine akcentirime salde kava: " Ani kerdi opservacia maškarresorno dikhiba em konsultacia so trubul te del sa o informacie reslja "negativno gind" taro MTPS, AVRM. Ministeriumi bašo finansie thaj gind taro Sekretariato e kanoneske kote vakerel kaj nane nadležno te del gind akale inicijativake. Sebepi akava informirinaja tumen kaj i inicijativa si irami te kerel pe majodirgutno dikhiba thaj akcepcia."
Em odokhare !!!
I akana? So te vakerel manuš? Bari , lačhe kerdi Operativno programa kote direktno jali indirektno sine involvirime baro numero ekspertoa so keren buti an o odola NGO thaj Asociacie te del pe lenge sar antvorto ko duj lafia: "Negativno gind"
Na dena nisavi avaluacia ko savo umal , kotor, so nane lačheste, trubul li korekcia thaj aver. Ništo! Salde - negativno gind! Thaj an o agor hramosardi konkluzia: "Sebepi asavki gind , Informirinaja tumen kaj akaja inicijativa si irami majodorig te akceptirinel pe" Bravo e themakere institucienge majbut e MTPS thaj o AVRM.
Soske nane lačhe asavke operativno planoa thaj inicijative akale themakere institucienge? Dikhela pe kote olengoro džiakanutno angažamno e Romenge kergje but, thaj odoleske asavko na trubul!
Simpotomatikano thaj te notirina -egoistikano!
Sar ka motivirinen pe o aver Roma te mangle te den asavke inicijative ko avera forme?
Jali taro starti ka vakeren - Nane šanse!
Ko jekh te puča amen, Kote tane akate o romane političaria? kote aso o inicijatoria o kordkoro deputato o Samka Ibraimovski dengja lafi kaj ka suportinel te šaj akceptirinel pe akaja programa. Numa ov na kergja khanči a dengja bare lafia.
Numa aso o inicijatoria akale Operativno programake ola na ačhona akate. Ka džan majodorig baši olakiri realizacia. Ka džan soske ola majšukar džanena " O nasvalo majšukar džanela so duikhalal le em kobor dukhalal le" Te našti sine akate an i piri them ka rodel "sastipaskoro tretmano " avri tari them. Trubl te ovel nekote akale dukhake - medikamento thaj terapia" Akaja si amari bari Romani dukh! Sigurno!
