Olesko dži ko sig vakti but hari džanela pe sine, O personalno bodigardi e Hitlereskoro , manuš so tromalgja e Musolini, mangel sine te astarel e Tiito ko Drvar em sine konsiliari taro Naser , vakerel kaj likvidiringja e Nikola Tesla. - Mudargjum e Nikola Tesla palo personalno rodaripe taro Adolf Hitler so dikhlja kaj i aver rig ka istemalkerel oleskere novatorie te šaj viktoririnen ko maripa - vakerel o Oto Skorzani polkovniko ko SS trupe , komandanti e germaniakere komandosenge ko Dujto Lumiakoro maripa.
Odova si so o Skorzani em aver napakjajbaskere bukja vakergja kana merela sine oleskere džamutreske o Eric Bremen (pendžardo sar Eric Orion) so vakergja le odova ko jekh radio show ki USA ko 2006 berš.
O Skorzeni vakergja kaj ko januari 1943 berš palo personalno rodaripa taro o Hitler sine tramportirime podmornicaja dži ko Njujork kote barabutne e Rajnhard Glen dži ko hoteli kote sine o Tesla tasavgja le jastukoja a palo odova čučargja o sefi so sine but dokumentia em nadikhlo nikastar iklilo.
Ko sine o Oto Skorzani? O oficialno informacie akcentirinen kaj si bijamo ko 12 junu 1908 ki Vienam a mulo ko 5 juli ko Mardrid. Sine le karaksteristikani luzna (belego) tari levo rig e mujeske kana mečujnel pe sine.
Sine em konsiliaro taro Huan Peron ki Arfentina em bodigardi oleskere romnjake i Evita em kerel sine buti bašo izraelsko Mosad.
Prekal nesave verzie ov mulo ko Madrid taro kanceri ko rbeti ko 1975 berš , a prekal aver verzia ov mulo li trafikoskiri bibaht.
Youtube: