O Terno Rom taro Bujanovac o Almir Asani sine akahrdo ki basket reprezentacia tari Srbija em akana si ko trening kampi ki alusar sar majšukar košarkari dži ko 15 berša. Sa so vakeren taro OKK Plej 017 taro Bujanovac klubi kote so barilo o Almiri si jekhutn so reslja sar status reprezentativco ki Srbija, a si Romano em si taro Bujanovac. Ov angleder trin berša gelo taro OKK Plej 017 ki Italia ko klubi Orange Basket 1 tari diz Basano Del Grapa.
- O Almiri panda ko start sine jkh taro majtalentirime košarkaria pire beršenge so rrezultiringja te džal ko jekh taro majšukar klubia bašo terne košarkaria ki Europa. O Almir si učo 199 cm, em khelel ko pobuter pozicie sar krilno centro.
