Palo persikurkeskiri bari jag kote o sasto objekti si zijankerdo, o čhave tari gradinka " 8 April" ko sig vakti alternativno si akomodime ki maškarutni škola "Šaip Jusuf" an o Šuto Orizari, a o čhave taro Diveseskoro centroi e čhavenge so si an o droma sar alternativa si akomodime ko NGO "IRIZ numa panda nane andi decizia kote ka oven thanjarde. Taro ministeriumi baši sociala vakerena kaj keren buti akale čipotake te arakhel pe faisali.
„O Ministeriumi baši sociala sine len dikhiba e legaripaskere timea taro Diveseskoro centari e čhavenge an o droma an o Šuto Orizari so sine astardo e bare jagaja, thaj si an i faza te arakhel pe faisali taro than so trubul akale Centroske e čhavenge so si an o droma an i teritoria e komunake Šuto Orizari vakergja i Žaklina Velkovska legarutni taro MTPS.
O presidento an o NGO IRIZ i Fatima Osmanovska vakerela kaj o than tari olakiri organizacia si čhivdi bašo aktiviteti e čhavenge taro Diveseskoro centari , kobor ma te oven mukhle an o droma.
I direktorka e gradinkake "8 April" Songjul Šaban Ahmed vakerela kaj o čhave si thanjarde an i maškarutni škola "Šaip Jusuf" sa dži kote n na arakhel pe paralelno akomodacia.
„Paše 200 čhave si thanjarde an i akaja maškarutni škola ko ajkala deš divesa, ka šaj te kerel pe saste šartia aktiviteteske sastediveseskere edukaciake. Akana o čhave si khere Akanaske si amen suporto taro UNICEF , Detsko selo thaj i komuna numa sako aver suporto ka ovel lačheste" vakerel i direktorka Šaban Ahmed.
Линк: http://civilmedia.mk/za-dtchiata-od-dnvniot-zntar-za-dza-od-uliza-s-uscht-nma-odluka/
