I Ministerka bapi sociala Mila Carovska kergja bukjarni vizitra e ministerea bašo sastipa o Arben travari, o ministero bizo resoro Samka Ibraimovski o presidento tari Unia e ginekologenge Duško Filipovski thaj membria taro NGO. Tema sine kanoni ki prevencia e khamne džuvlenge, ekstra target o Romane džuvlja.
„Ko dikhiba e NGO sektore sine šajdipa te vakeren o problemi so o Romane džuvlja arakhen pe sakodive thaj vakeren kaj majbaro numero olendar vakeren kaj avgo drom dikhiba e ginekologoa si len kana bijanena, a na raritetno isi kote taro ghospitali iranen len soske nane len sastipaskere legitimacie trujal so si urgentno pacientia.
O presidento e Uniake taro ginekologia o Duško Filipovski vakergja kaj akava pučiba trubul savakteske te faisalkerel pe. Ov vakergja kaj ko nakhlo vakti dengje pe but variante te šaj te ovel ginekologo an i komuna Šuto Orizari , numa ni jekh na sikavgja pe sar savakteskoro faisali" notirime si an i vaktavin.
O ministeri baši sociala , sastipaske thaj bizo resoro sikavgje čalipa taro o dialogh te arakhel pe faisali e pučibaske so deš berša si an o Šuto orizari thaj kerel pe zori te arakhel pe faisali.
I ministerka Carovska thaj o ministeri sastipaske Travari vakergje kaj ka keren bukjarno mitingo e direktorea taro Fondi sastipaske te arakhel pe forma thaj ola ka oven sikavde an o mitingo tari Unia e ginekologiri si ka ikerel pe ko agor akale masekoske.
