Taro akana thaj majodorig i Vjolce Mbiara ka ovel e romane džuvlenge tari akaja komuna
te šaj te haven pe majlačhe ka del suporto i medicinsko persona i Nedžibe Ismaili.
An o Šuto Orizari i ministeri sastipaske d-r Arben Taravari prezentiringja e neve doktorka - ginekolog Vjolce Mbiara thaj putargja i ambulanta e ginekologiake an i poliklinika an i komunba so pandž berša sine bizo ginekologo.
O faisali si arakhlo ko nekobor bukjarne mitingoa maškar o ministeriumi sastipaske o Taravari, i ministerka baši sociala Mila Carovska thaj o ministeri bizo resor o Samka Ibraimovski.
I doktorka Vjolca Mbiara si specijalisti - ginekologo lungoberšengere praktikaja , maškar aver thaj o amerikansko hospitalo an i Albania so bibahtake panda na kerel makedonikani vorba , numa intenzivno džal an o kursi bašu makedonikani čhib.
Ko maškar vakti baši komunikacia ka del suporto i medeicinsko personali Nedžibe Ismaili so anglutne kerel sine buti an o hospitali ko Čairi.
