"O Netvorko baši protektiva tari diskriminacia sikavel bari sevdža - gajlja bašo atako upral romano tikno čhavo so ko 11 novembro 2015 berš, so ulo anglal i furna "Silbo" ko centar e dizjake Skopje.
Premal o svedoko o tikno Rom sine maltretirime thaj mardo sebepi so rodingja love taro manuša so kinen sine anglal i furna. O svedoko notiringja akava akti an i policia, so ali ko momenti lelja i deklaracia taro persone so kergje odova akti thaj taro svedoko so sine odothe.
O Netvorko taro Helsinško komiteti notirinen kaj odola persone kergje došperavibaskoro akti, soske i grupa maltretiringja, marge thaj ratvargje e čhave. Te dikhlja pe kaj o akti si kerdo ko javno - phravdo than - furna, akale aktea kergja nasiguriteti thaj dar ko aver da persone. Sebepi so o viktimi si čhavo - taro romano minjoriteti so si marginalizirimi jekhin, akale aktea ola kergje thaj direktno diskriminacia upral i funda taro etnikano preperutnipa.
Akava nane avgo drom te notirinel pe asavke aktia, thaj sebepi prevencia ma te kerel pe majodorig asavke aktia upreder aver romane tikne čhave.
Kana ka keren rodaripe o institucie trubul te dikhen thaj te džan taro kanonia baši i Konvencia e niamia e čhavenge kote e themakere ofisia trubul te keren konsekvence, sebepi protektiva e čhaveske ko sa o forme taro fizičko thaj mentalno terori so si praktika e Europakoro kriso - sudo.
