Thabilo kher ko Šuto Orizari

Avdive 09.01 paše ko 10 o saati javinate majpakjavutne taro defkti ko elektrikano šporeti saste thabilo familiarno kehr ko drom Pelagonia 55 ki mahala Šuto orizari. Mujaljagakere ekipe taro Skopje ple vordonencar iklile ko teren thaj lokaliziringje i jag thaj čhinavgje olakoro buvljaripa, numa o kher so sine astardo thabilo dži o temeli. Ko momenti tari bari jag ko kher sine 7 džene tari familia so resle te evakuirinen pe numa bibahtake našti sine te ikaven taro kher o membel thaj aver šea.

 

Ki than e bare jagake reslja e dizjakoro šerutno e komunake Elvis Bajram , thaj o viceministeri baši trud thaj socialno buti Ibrahim Ibrahimi thaj aver. E dizjakoro šerutno kergja inicijativa dži o Konsilo e komunake te kerel majsig plani thaj akcia sar te del pe arka akale familiake sar lovencar agjaar thaj aver materijalencar. Dopherdo startujngja humanitarno akcia te del pe ko tamikeribaskoro materiali thaj aver, a planirinel pe starti tari humanitarno akcia ko kurko ki Šuto Orizari maškar o bizmnismenia thaj tezgadžie te khedel pe love, , šea, hajbe thaj aver materiali te šaj ko asavko čhani kerel pe arka akale familiake ko akava momenti.

Pin It
FaLang translation system by Faboba

I WANT TO SAY

Momentalno Online

       We have 98 visitors watching ROMATIMES.NEWS

o Vakti

 booked.net

Most Popular

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal