Sebepi o Unibe e Germaniakoro o dirigenti tari Romani thaj Sinti Filharmonia Rikardo M Sahiti tari rig e germansko presidenteske o Joahim Gauk sine dendo ordeno.medali vash uči biti an o artistikane aktia.
I Filharmonia si fundirimi an o 2002 berš . Akava unikatno orkestari si kerdo majbut taro Roma thaj Sinti instrumentalistia Ko olengoro repertoaro isi kompozicie taro Brams, List thaj Bise thaj neve kompozicie taro Roma thaj Sinti.
Kerdi si premiera taro " Rekviem vash o Aušvic" taro Sinto Roger Moreno Rathgeb , o Filharmonikano orkestari telel dirigentsvo taro Rikardo M Sahiti sikavel o dživdipe thaj dukhavni historia e Romenge thaj Sinti . Oleskiri buti impresivno sikavela kobor si importantno i artistikani rolja ko arakhiba o kulturno identiteti akale populaciake.
O Rikardo M Sahiti studiringja muzikakiri edukacia ko profesori Satnko sepić am o fakulteti muzikakere arteske an o Beograd, kote ko 1990 berš diplomiringja. Ov gelo majodorig te studirinel opera thaj somfonisko orkestarsko dirigencia an i Moskva ko Čajkovski Konservatorium e Juri Simonov Ivanović thaj an i Akademia vash muzika thaj interpretacia an o Frankfurt im Mein an i klasa e profesoreske Jirži Starek. Ov lelja thaj an o master kalse tari Jorma Panula thaj Peter Etvojs. Sar dirigenti reslja džanlipa an o Simfonisko orkestaru taro beogradsko radio thaj simfonisko orkestari. O Rikardo M Sahiti dživdinel thaj kerel buti an o Frankfurt.
