I nadica Ademov lungo vakti si jekh taro majrodime giljavutne ko romane biava , a ko agorutne masekoa kerel pe lafi baši olakiri holi e Aleksandar Prijović.
Oj vakerela: " Kerav but buti thaj sium čali em normalno si so but kerav buti an o romane biava, thaj odothe sium sar " mačho an o pani" Odori nakhena okola so čače keren buti lačhe.
Pendžardo si kote an o romane bijava sisi šukare love bakšišia thaj oj si but čali. So legarel pe dži ki čhingar e Aleksandar Prijović pj vakerela: - Oj na interesirinel man but. Me dikhava mli buti. O Saša Popović kergja zori te baruštinel olen,numa mande nane man khanči odolea, soske oj mande čhungarela prekal o mediumia. Me na ladžav so sium Romani , diferencijaja mandar oj thaj aver mire koleške odova na potencirinena kaj si len romano darhinalipa. Odova si olengoro problemi a na miro"!
Oj sar so vakerela sako tromalo momenti mangel te nakhel le ple majpašencar tari familia, thaj nane la vakti but te ovel pire kolegencar tari setrada trujal kana si la bijava. Me dikhav miri buti thaj pobut na. me na sium palo porokia thaj party žurke. Mangav trimalo dživdipa thaj khanig buteder, vakerel i Nadica Ademov.
