O Dragan Ristić si akaleberšeskoro laureati tari Somnakaeskiri značka taro Kulturakiri eduukaciakiri jekhin an i Srbia bašo buvljaripa e kulturakere bukjake . Trujal o KPZ akava phurskao dela le o Ministeriumi bašo avrutne bukja tari Srbia - Ofiso baši konekcia e diasporaja thaj e Srbliencar taro regiono, telal o patronati taro Ministeriumi baši kultura e Srbiake.

Deš gilja taro thagar e romane giljake , maškar so thaj o gilja “Djelo, djelo”, “Koj si gola Roma” thaj “Akaja rat”, si ko albumi tari amerikansko giljavutni Eva Salina, kote palo 20 berš buti balkansko muzikaja kergja tributi e Šaban Bajramovičeske. Ko albumi “Lema, Lema” si sikaviba respekti premal o mulo niško romano giljavutno, so si ikavdo angleder nesave masekoja, i 32 beršengiri Eva kombiniringja i tradicia moderno tonencar thaj ko romano melosi "čhivgja" miksi taro pop, rock thaj jazz improvizacie thaj premal olakere lafia, oj džanel kaj olakoro krlo thaj o krlo taro Šaban Bajramović si but diferentno, thaj odoleske oj giljavgja olen ko plo stili.