An o 2 decembro an o Sava Centar an o Beograd o legendarno Džipsi King ikergje koncerti a ko jekh sebepi o filmi so kerel pe e thagareske e romane muzikake Šaban Bajramović an i režia taro Željko Mirković giljavgje nekobor gilja.

Sar so notiringja o fundavutno e grupake Džipsi King o Pablo Baliardo thaj oleskoro majphureder čhavo o Manitasa del Plate so alo ki bina statuetkaja taro Šaban Bajramović thaj olesker lipargje nekobor gilja sar so si i gili “Đeli Mara po vašari”, thaj an o oleskor respekto i gili “My Way”.

Roma Rock School si NGO ofisea an o Skopje so del suporto e muzikakere edukaciake e talentirime Romane čhavenge so aven taro ekonomsko teluni kategoria familie prekal o rock and roll thaj si ko baripa taro 13-16 berša.

Prekal olengoro aktiviteto ola si fokusirime ko bajraripa e multietnikano tolerancia thaj tiknjariba i diskriminacia prekal i muzika maškar romane thaj naromane čhave an i sasti Makedonia.

I visia e organizaciakiri si te kerel edukacia so ka keren te oven sukcesiale , te arakhen pe risikoa an o piro avutnipa thaj te oven kotor tari olengiri jekhin .

O Roma Rock School ka representirinen pe ko 6 aprilo 2019 berš an o festivali Underfest 2019 berš.