O tiketia e Superkupeske tari UEFA so ka khelel pe an o Skopje ko 8 avgusto ka šaj te kinen pe salde prekal oficialno internet sjti tari UEFA so udžarel pe ko divesa so avena te den pe dopherde informacie so si konektirime e proceduraja bikiniba.
I aplikacia prekal o Internet trubul te ovel an o periodo maškar 13 juni thaj 4 kuli, dži kote okola so ka resen dži ko tiketo ka oven notirime prekal lotaria, soske udžarel pe baro intereso te dikhel pe akava dueli maškar o europakoro šampioni o Real Madrid thaj o timi so lelja Liga Europa o Mančester Junajted. O intereso an i Makedonia si but baro soske isi pherdo pučiba so si konektirime e tiketencar so ka oven moldipaja taro 15 dži ko 40 eura aso džiakanutne informacie.
Isi pobuter sajtia so den tiketo bašo Superkupi kaskiri moldi si deš droma majkuč tari oficialno , numa odola sajtia si hohavne so okola mo nagen te khinen ma te hohavgjoven ko akala sajtia.
O UEFA trubul te notirinel o kapaciteto tari Nacionalno arena " T-Home" thaj kobor tiketia ka oven dende baši nautralno publika, a kobor ka len o tifozia e duj klubenge ko Superkup.
O barabutno kapaciteto e nacionalno arenake si oficialno 33.400 thana ka ovel tiknjardo sebepi siguriteti, o tifozia taro real thaj Mančester ka hulaven majpakjavutne 10.000 karte, po 5.000 e duj rigenge. Jekh kotor ka oevn dende thaj e misafirenge taro UEFA.
Aso naoficialno informacie o ekipe so ka khele ko akava Superkup an o Skopje angje decizia kaj ka ovel olen akomodacia. Akanaske nan panda oficialno vakerdo numa havel pe kaj o real Madrid ka anen decizia te oven an o hotelo "Aleksandar Palas" . O Mančester Kunakted taro Žpze Murinjo pire time ka legarel len ko „TCC Grand Plaza".
O membria tari UEFA thaj o aver uče misafiria so ka resen taro Europakoro ofiso ka oven thanjarde majpakjavuten an o hoteli " Meriot".
