O fudbali thaj o Ramazani - te postinel pe jali na ?

Bašo buteder tari jekh milijarda muslimania an i sasti lumia taro persi štartodi, startujngja o Ramazani

Numa bašo buteder taro 100 fudbaleria taro šov majbut musilmansko thaj aver thema o avutne 30 divesa ka oven periodo taro intenzivno treningia bašo olenge majbut dženenge importantno divesa an o olengiri profesionalno kariera. Jekh dive angleder e Ramazaneskoro posti startujnela e Lumiakoro šampionati 2018 an i Rusia.

Nesave fudbaleria - muslimania planirinena aver čhane te faisalkeren akava momenti. Buteder ka istemalkeren o forme so si as o Kurani hramosarde thaj rezervirime bašo okola so si nasvale, so dromarena jali keren phare fizičko aktivitetia.

Numa e profesionalconge so saste praktikujnen i religia thaj o fudbali i decizia ka ovel pharsete thaj šaj te kerel em nahaljovipa maškar o treneria -selktoria thaj o fudbaleria.

Buteder muslimakso reprezentacie revidirinen pire plania so majlačheste te akomodirinen o posti e fudbalerengoro.

Buteder reprezentacie , konektiribaja thaj o Egipet ka mukhen e korkoro fudbalerenge te anen piri personalno decizia, te postinen jali na. Numa bizi avrutni presia džanel pe kaj nane te ovel lokheste.

I adaptacia e saste timea šaj ka našti te implementirinel pe te sine ko okola fudbaleria -muslimania so si imnjoriteti an i desavi reprezentacia. Odova si šaj jekh taro faktoria sar egzamplo kote o Mesut Ozil thaj oleskoro germansko amal an i reprezentacia o Sami Kedira, o francusko internacionalcia o Pogba thaj o Kante, o švajcarcia Granit Džaka thaj Ščerdan Šaćiri, thaj but aver fudbaleria - muslimania angje decizia ma te postinen.

O Šampionati 2018 an i Rusia nane jekhto internacionalno baro šampionati so kerel pe baš an o masek ramazan, so bazirinel pe paše aso 354 lunarno divesencar , o masek Ramazan sine thaj e Olimpisko khelinenacar na 2012 berš, an i nokaut faza ko Lumiakoro šampionati an o fudbal ki 2014 berš thaj e Europakere šampionatea an o fudbali ko 2016 berš.
Angleder duj berša ni jekh francusko reprezentativco na postingja. Ko jekh ni o germansko reprezentativcia. Odova na kergje tegani ni o belgijco Maruan Felaini thaj o Musa Dembele. Angleder 4 berša ni o švajcarsko reprezentativcia na postingje.

Pin It
FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

I WANT TO SAY

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       We have 302 visitors watching ROMATIMES.NEWS

o Vakti

 booked.net

Most Popular

Golden Wheel - Entry Application Form

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal