O Tajson Fjuri (27) pervagja taro piedestali e Vladimri Kličko, thaj akana si nevo profi šampioni ki phari kategoria ko boksi. O ukrainco nadžanel sine kaj arakhel pe sine taro boksia so halja taro amaro nevo romano thagar an o boksi.
Odma panda taro 2004 berš sine jasno kaj ka ovel mardo tari nevi čeren o Rom Tajson Fjuri. Ko ringo o Tajson na sikavgja dar, a oleskiri paramis si interesno.
Odma proklaimringja pe kaj si Rom, sebepi so oleskiri familia dživdinen sine sar nomadia, thaj ov barilo agjaar. Kana prandingja pe irangja o stili dživdipaske. Panda kana startujngja boksea vakergja kaj ka ovel majšukar bokseri an i lumia.
Taro avgo dive oleskoro dživdipa si pharo. Biandilo trin masek porano thaj o doktoria sine siguritetno kaj nane te ačhol dživdo. Ko ple 6 berša počmingja te bajrol, dži tegani sine majharno čhavo ki mahala.
Ki familia Fjuri, o dživdipa si o boksi. E Tajsoneskoro dat o Džon isto sine bokseri. Ko jekh mangel sine em oleskoro čhavo te ovel bokseri. Odoleske ov pe čhaveske dengja o anav premal o Majk Tajson. I kariera taro Majk Tajson sine sar motivi o Džon te del o anav pe nasledinikoske. Ov si učo 206 cm em našti sovel ko normalno kreveti. Specialno peske naručingja psoebno modeli. O Fjuri šaj te ovel garvasialo faktea kaj oleskoro kreveti si identično sar okova so sine e thagarutna e Angliakere. Ki šala vakerel kaj oleske baš valčjani šužo kreveti thaj komotno kondure. Trujal so nane le nesave bare incidentia avrial tari boksersko arena akana sigate šokiringja ple vakerinaja bašo doping. "Soske ma te la stimulacie, te ova panda pošukar? I publika sine hošimi, thaj valjani te legalizirinel pe o dopingo". Ole sine le bari mangin numa oleskiri romni i Paris vakergja "na"! Ov manglja pe čhaveske te del anav Isus, numa palo odova kergja lafi pe romnjaja thaj dengja ole anav Princ.
