Pučaja amen sar odova funkcionirinela? Ake nekobor klasično egzamplia:
Jekhto egzampli: Čače vakergja točno tipi
Jek taro majriziko forme hohaviba si okova so del " sigurno meči" sako drom nakhel. Sar? Ake agjaar:...
Jekhto momenti: O hovavno prognozeri khedel grupa potencialno kandidatia so mangen te kladinen pe (sar egzampli) 30 džene.
Dujto momenti: Vakerel sarine odolenge kote isi le sigurno meči
Trinto momenti: Na rodel odma love (jali rodel nesavi tikni suma)
Štarto momenti: Ki grupa taro po 10 džene vakerel kaj ka ovel 1, javere grupake vakerel kaj ka ovel X , a e trinto grupake taro deš džene ka vakerel kaj ka ovel 2.
Pandžto momenti: Taro sa odola trin grupe po 10 džene , jekhe grupake čače ka ikljol agjaar o tipi, thaj odoja grupa akan si "ubedeno" kaj ov čače džanela
Šofto momenti: Taro odola deš ubedime manuša palem hulavela len ko trin kotora, em vakerel lenge jekhe grupake 1, e dujtonake X a e tritonake 2.
Eftato momenti: Akava hovajbe ka ikljol sar "točno jekhe grupake. Numa palo odova o tipi više ka ovel buteder lovenge.
Oftoto momenti: O hovavno "prognozeri" ikavel pe kaj aver drom ka ovel le majsigurno tipi , numa ko maškar vakti ov rodela peske nevi tura taro 30 potencijalno "klientia", emn agjaar sako drom
Dujto egzampli: Fotografie tari tiketia so "nakhle" Akaja forma taro hovavipa nane odokhar riziko , numa isi asavke da so pakjana ko akava. Ko FB isi but so slikinen o tiketi so nakhlja sebepi so ola dengje čačutne informacie bare koeficientia. Ola si hovavne printime palo agor e mečenge kerde ko fotošop.
Trinto egzampli: Majprosto, vakerel sigurno meči, rodela tumendar odma love a tumen pakjana le em dena le love. Te dengjen le love anglal o koeficienti tari tumari intelegencia si but potikno taro koeficienti bašo 1 sar egzamplo ko kheldo meči ko Kamp Nou maškar i Barselona thaj o B timi tari Mursia tari pančto špansko liga.
