Palo agor e X-to IRU Kongresoske ko mart 2016 berš, kote sar prezidento an o IRU tari rig e 70 delegatorenge taro 35 thema sine votime o Zoran Dimov tari R.Makedonia, o IRU džala majodorig pire aktivitetea. I andi deklaracia baši "Demokratikani Tranzicia" , thaj elektronsko votiba e Romenge tari sasti lumia bašo avutno IRU mandati so planirinel pe te ovel dži ko 2020 berš ko XI IRU KongresoO prezidento taro IRU Parlamento Stevo Balog, anglutne konsultaciaja thaj koordinacia e delegatorencar thaj membrora taro IRU angja decizia o avutno parlamentarno mitingo te ovel an o Skopje, R.Makedonia taro 11 dži ko 13 juli akava berš.
Trujal o aver teme, sar so si raporto taro sako delegato thaj o IRU Presidiumi e sitaciake e Romencar an o thema kotar avena ko jekh ka ovel prezentacia tari realizacia ko hazrkeriba i strategia taro elektronsko vota thaj raporti sar džala i procedura an i implementacia e "Demokratsko tranziciake".
Trujal o delegatia thaj membria an o IRU ko Parlamentarno mitingo ka oven thaj o ambasadoria taro thema so si an i R.Makedonia, te den raporto thaj dikhiba e Romane situaciake ko thema so si ola sar džovaplime e themenge kotar avena.
