Pali koerdo akti tari rig e Komisiake taro Tradicionalno Romano Kriso te kerel pe proceso mujal nekobor romane aktivistia bašo anavkerde antiromane aktivitetia thaj finansisko malverzacia, maškar o aver an i lista si thaj o aktuelno IRU Presidento o Zoran Dimov.
Ov korkoro vakergja kaj ka ovel ov da kotor taro akava proceso thaj ka lel than ki direktno Video Konferencia ko 18 septembro ko 13 o časo - Kurko.
„Definitivno lačho momenti te užaren pe desace dileme, hohavina, malverzacie thaj buvljariba hohavne propagande". Personalno mange vakerava kote sim totalno užo - čisto. Ko sa akale mle 20 berša romano aktiviteti prekal o IRU dži kanan na leljum ni jekh cento baši mande personalno. Sa tari miri rig si transparentno thaj dendo raporto" - vakergja o Dimov.
Akala hohavina thaj propagande mujal mande so si dende taro nesave agjaar anvakerde "romane aktivistia" so bazirinen pe ki olengiri dar te na arakhen olengere malverzacie thaj finansiko čoriba.
Me te kergjum asavko khanči sar Zoran Dimov ko akala 20 berša la valjani sine te ikljol dži akana nesavo dokumento jali lil jali fakti. Numa olengere bibahtalipaske nane nisavo asavko fakti jali dokumenti, numa ola mande bangjarena salde ki forma" šungjum ama na dikhljum jali nane man panda fakti"
A aver rigatar mande isi man pherdo dokumentia thaj faktia bašo kerde malverzacie so isi kerdo ko pobuter manuša so si kotor akale procesoske so kerel i Komisia taro Tradicionalno Romano Kriso.
Odova ka informirinav thaj ka sikavav te trubul ko 18 septembri an o kukro ki Video Konfernecia " akcentiringja o IRIU presidento o Zoran Dimov.
Ko agor ov bičhavel respekto membronge tari i Komisia vash Romano Tradicionalno Kriso so sine len garvasialipa- hrabrost te keren asavko proceso.
