I majpurani thaj majreprezentativno internacionalno Romani organizacia IRU, ko plo anglojevendaskoro khidipa e delgatonge angja decizia akava drom te ikerel pe ki šerutni diz e Republika Makedoniake an o Skopje.
Ko akala dive taro IRU parlamento than lena upreder 35 delegatora taro 25 thema. Ko kongresno hala taro reprezentativno hotelo Kontinental.
O diskusie ko akava Parlamentarno mitingo taro IRU, than lena o majučo ofis - kabineto taro IRU thaj delegatora kote o diskusie legaren pe bašo majšukar funkcioniripa e Internacionalno Romane Uniake.
Trujal o diskusie taro majuče membrora an o IRU kabineto, o Dorin Čioba sar dži akanutno prezidento an o IRU, o Zoran Dimov sar Premiero an o IRU, o viceprezidento taro IRU Parlamento o Stevo Kuzicov o viceprezidento taro IRU Oleg Kozlovski. Ma{kar o misafiria piri vorba sine thaj misafiria sar so si o pend`arutno makedonikano biznismeno Trifun Kostovski thaj o prezidento taro ERTF o rajo George Raducano.
Piro dikhipa thaj savo si i situacia e Romencar an i Europa thaj i lumia sine diskusie taro sa o membrora - delegatora taro IRU an o thema kotar avena.
Ko mitingo trujal aver diskusie dende si droma thaj mangina so kamel o IRU te involvirinel pe an o internacionalno institucie kote e IRU sine le than numaj našavde si sar so si UN, EU komisie, EVZ, OBSE, Strazburo, UNHCR, Lumiakiri banka, Vatikan thaj aver importantno institucie.
Jekh importantno momento si ko jekh thaj o Roma si sine kotor taro dujto lumiakoro maripa thaj i koorelacia ko proekto taro EVZ thaj direktno piri prezentacia thaj diskusia ka ovel e rajo Frank Repenhagen - advokato taro Berlin -Germania.
Ko 31 oktobro trujal ande decizie vašo statuto taro IRU, alusar neve membrora ko ofiso taro IRU, neve delegatora thaj neve pozicie ka aulusarel pe i finansiko konstrukcia taro IRU thaj reprezentativno thana sar so si o UN an o Njujork an i Ženeva, Viena, UNESKO an o Parizo thaj aver institucie.
Akale mitingosa taro IRU Parlamento kerda pe zori te parunen pe sa o purane dukha thaj te ovel nevo thaj majzoralo IRU ko ber{a so avel an o oleskoro funkcioniripa. Odova si kotor taro ande decizie thaj konkluzie.
